O edil de Desenvolvemento Local e Emprego, Mauricio Repetto, recibía hoxe no Salón de Plenos ao alumnado de Dinamarca que estes días se atopa de intercambio no IES Lucus Augusti.

A expedición estivo composta por 23 alumnas e alumnos, acompañados por dous mestres e o director do centro educativo de orixe, procedentes da rexión danesa de Roskilde, situada ao norte da isla de Selandia. Con eles acudiu á Casa Consistorial outro grupo composto por unha trintena de estudantes do instituto lucense.

Durante o encontro, o concelleiro aproveitou para achegarlles datos de interese da cidade ao tempo que lles desexou que desfrutaran da súa estancia na capital e da propia experiencia do intercambio.