A alcaldesa de Lugo, Lara Méndez, anunciou hoxe a posta marcha de dous mercadillos de rúa este verán, o San Pedrín e A Milagrosiña, iniciativa coa que o Concello, a través da Área de Desenvolvemeto Local e Emprego, quere incentivar a compra no comercio local durante os meses de xullo e agosto e dinamizar os barrios a través dunha programación que ven acompañada de actividades na rúa, sorteos e propostas lúdicas para todas as idades.

A rexedora avanzou que o Mercadillo de San Pedrín, que se enmarca na rúa San Pedro e Campo Castelo, celebrarse todos os mércores a partir do vindeiro día 15 desta semana, e A Milagrosiña, que se organizará na Milagrosa, todos os venres desde o día 17 . No primeiro mercado participan 26 locais, aínda que se poden ir sumando máis, e no segundo, un total de 150.

As tendas estarán decoradas e identificadas, e as locais de moda sacarán os seus produtos as rúas. En todos os casos, as vendas serán con descontos.

Lara Méndez presentou esta nova iniciativa acompañada do edil de Desenvolvemento Local e Sostible, Mauricio Repetto, do presidente da Federación do Comercio, José María Seijas, e cos comerciantes do casco histórico e A Milagrosa. “No concello estamos a traballar para seguir dando pasos para dinamizar o comercio, actividade que é o sustento de miles de familias en Lugo, e tamén para encher de vida dos zonas emblemáticas da cidade”, apuntou Lara Méndez. 

Con este fin, o Concello programou cos comerciantes actividades musicais, desfiles de moda, sorteos e outras actividades lúdicas para todas as idades, sempre co compromiso de que se garden as medidas de protección da saúde, aspecto desde o que se incide especialmente desde a Administración Local. “Acabamos de entregar os diplomas de formación de ‘Lugo Seguro’, no que participaron 200 negocios, e debemos de equilibrar a dinamización económica, promovendo tamén a confianza e a seguridade da cidadanía, sendo todos responsables”, destacou Lara Méndez.

Seijas, o presidente da Federación, agradeceu esta nova iniciativa e a colaboración do Concello, e fixo especial fincapé “en que todos os comercios estamos respectando as medidas de protección e temos que darlle un impulso a economía, moi deteriorada a causa desta pandemia”.

Pola súa parte, o edil Mauricio Repetto sinalou que “a crise provocada pola COVID-19 require dun periodo de adaptación ao novo escenario social e, para iso, é necesario que dende o Concello promovamos iniciativas  que axuden a darlle vida ao noso comercio local.

Programación de actividades no Mercadillo San Pedrín

As actividades previstas faranse todos os mércores correspondentes dende o 15 de xullo ao 26 de agosto ambos os incluídos:

• 15 xullo: Grupo de música en directo e sorteo de agasallos, de 17.30 a 20.00 horas
• 22 xullo: Charanga, de 17.30 a 20.00
• 29 xullo: Dúo musical en directo: Covers 80 y 90´s, de 17.30 a 20.00 horas
• 5 Agosto: “A Sorte está no Aire’, carpa ao longo do día cunha zona de sorteo. As persoas que se achegue con tickets de comprar nas tendas participantes, terá dereito a explotar un globo que contén premio seguro. O horario será de 11.00 a 14.00 horas e de 17.00 a 20.00 horas
• 12 Agosto: Música da Cuniquer Band, de 17.30 a 20.00 horas
• 19 Agosto: DJ Black Panda, de 17.30 a 20.00 Horas
• 26 Agosto; Ruleta da Sorte: instalarase de novo a carpa ao longo do día con zona de sorteo. Todo o mundo que se achegue con tickets de comprar nas tendas participantes terá dereito a virar a ruleta que contén premio seguro. O horario será de 11.00 a 14.00 horas e de 17.00 a 20.00 horas

Programación de actividades no Mercadillo A Milagrosiña

• 17 xullo: Taller de Grafiti. A rte urbana e os trampantojos máis orixinais e divertidos. Participa e deixa unha sinal pintando en diferentes zonas do barrio. De 10:00 a 13:30 horas e de 17:30 a 20:30 horas
• 24 xullo: Spiribol- Summer-Play. Presentarase a actividade “100% Diversión”… reflexos, precisión, axilidade, velocidade, potencia, reacción, intelixencia, resistencia; un novo concepto de entretemento. De 10:00 a 13:30 horas e de 17:30 a 20:30 horas
• 31 xullo: Actuacións e exhibicións de baile. Varios pases que non deixarán a ninguén indiferente pola súa posta en escena e vistosidade. De 10:00 a 13:30 horas e de 17:30 a 20:30 horas
• 07 agosto: Actuación de Pablo Balseiro. Unha tarde na que A Milagrosa fará honra ao seu nome e producirase o milagre da festa e a diversión. A partir das 19:30 h
• 14 agosto: Ginkana do Comercio local: actividade interactiva e aventureira para coñecer os diferentes recunchos do barrio e os seus establecementos. De 10:00 a 13:30 h. e de 17:30 a 20:30 h
• 21 agosto: Actuación musical. A partir das 19:00 horas
• 22 agosto: Desfile de moda “A Milagrosiña 2020”. A partir das 19:30 horas
• 28 Agosto: Festa da Familia, con familia xogos xigantes e a final do concurso de DJ. De 10:00 a 13:30 horas e de 17:30 a 20:30 horas

Todos os días

• Sorteo de Agasallos: Con cada tícket das túas compras superiores a 20€, poderase participar no sorteo de múltiples agasallos durante toda a campaña
• Este mercadillo contará cunha, mascota que se poderá fotografíar a xente e gañar o premio á foto máis votada nas RRSS da Milagrosiña

Audio

• A alcadelsa de Lugo, Lara Méndez, sobre os Mercados San Pedrín e a Milagrosiña | Descargar mp3
• O edil de Desenvolvemeto Local e Emprego, Mauricio Repetto, sobre os Mercados San Pedrín e a Milagrosiña| Descargar mp3
• O presidente da Federación, Jose María Seijas, sobre os Mercados San Pedrín e a Milagrosiña | Descargar mp3