A Guardia Pretoriana realizará unha peregrinación a Santiago, entre os días 13 e 17 de maio, para promover o Arde Lvcvs

Todos os que queiran acompañar a esta asociación de recreación histórica poden inscribirse ata o 11 de maio no 010, no 982-29-73-50 para fóra de Lugo, e contactando coa propia Guardia. Recoméndase acudir con vestimenta romana

Venres, 06 de maio de 2016
Fonte: 
Gabinete de Prensa
 A Guardia Pretoriana realizará unha peregrinación a Santiago, entre os días 13 e 17 de maio, para promover o Arde Lvcvs

A Concelleira de Cultura, Turismo, Xuventude e Promoción da Lingua, Carmen Basadre, acompañada de representantes da Guardia Pretoriana, presentou este venres a peregrinación polo Camiño Primitivo que realiza esta asociación de recreación histórica entre os días 13 e 17 de maio, unha actividade enmarcada dentro da programación do Lvcvs Cvltvral, organizada polo Concello.

Durante a presentación, a Concelleira fixo fincapé nesta peregrinación como unha oportunidade para promover tanto a cidade de Lugo como o Arde Lvcvs, así como para darlle valor ao  Camiño de Santiago, Patrimonio da Humanidade. Neste senso, a edil quixo lembrar que nos pasados días o Senado xa realizara un treito da vía XXI, que enlaza co Camiño de Santiago.

Pola súa banda, os membros da Guardia Pretoriana convidaron a todos os lucenses e visitantes a participar con eles nesta andaina. Para iso, os interesados poden inscribirse ata o día 11 de maio no Servizo de Atención Cidadá 010, no teléfono 982-29-73-50 para fóra de Lugo, e contactando coa propia Guardia. Recoméndase acudir con vestimenta romana.

A Guardia Pretoriana formará filas para saír cara a Santiago o venres 13, ás 15:30 horas, dende a Porta de San Pedro. Realizán o Camiño en 5 etapas, chegando a Santiago o día 17, ás 12:00 horas.

Audio

  •  Carmen Basadre, sobre a peregrinación da Guardia Pretoriana | Descargar mp3

Noticias relacionadas