O Concelleiro de Desenvolvemento Sostible e Persoal, Daniel Piñeiro, supervisou este mércores os traballos de limpeza das pintadas existentes na fachada do edificio da Casa Sindical, que desenvolveu o servizo de limpeza municipal entre as 7.00 e as 10.30 horas. Nas tarefas participaron catro operarios, que se ocuparon de sinalizar a zona e garantir o paso dos peóns, e un traballador cunha máquina hidrolimpadora.

Para realizar estes traballos, o Gabinete de Tráfico da Policía Local, xunto co servizo municipal de limpeza, estableceron medidas circulatorias coas que se garantiu a seguridade dos peóns e do tráfico.