Concelleiras e concelleiros do Goberno local participaron, xunto a outros membros da Corporación lucense, no minuto de silencio convocado ante a Subdelegación do Goberno, para condenar o asasinato de Zunilda, unha muller colombiana de 43 anos, que morreu a mans do seu marido, nun día sen determinar deste mes de xuño, na localidade malagueña de Fuengirola. Co asasinato de Zunilda xa son 15 as mulleres mortas a mans das súas parellas ou ex parellas, no que vai de ano, e seis na comunidade autónoma de Andalucía.

A Delegación do Goberno contra a Violencia de Xénero confirmou a natureza machista do crime e informou de que non existían denuncias previas por malos tratos contra o presunto feminicida, que non poderá ser xulgado polo crime, xa que despois de acabar coa vida da súa muller, suicidouse.