As actividades, de carácter gratuíto, estanse a desenvolver durante o mes de marzo con obradoiros para abondar no manexo dos teléfonos móbiles e na iniciación á informática para persoas maiores
Novas Tecnoloxías acolle dende hoxe varios cursos para mellorar as competencias e habilidades dixitais da cidadanía.
Así, dende hoxe e até o 13 de marzo, en horario de 17:00 a 19:00 horas, terá lugar un taller destinado a usuarios de todas as idades que queiran sacarlle maior partido ao seu teléfono móbil e no que resultou imprescindible, para participar, contar cun exemplar de Smartphone.
Igualmente, nesta mesma xornada e até o venres 27, desenvolverase un obradoiro de iniciación á informática para persoas maiores de 55 anos. A formación comezaba esta mañá e námbalas dúas actividades completáronse as 15 prazas que había dispoñibles e mesmo houbo que habilitar lista de agarda para vindeiras edicións.
Lembrar que, durante o mes de marzo, continuarán tamén as titorías tecnolóxicas os sábados 14 e 28, de 17:30 a 19:00 horas, dirixidas á veciñanza que precise aclarar algunha dúbida sobre diferentes cuestións relacionadas coas novas tecnoloxías. Poden apuntarse nas mesmas ate o día anterior á súa celebración ben presencialmente, a través do teléfono 982.29.73.77 ou no correo electrónico novastecnoloxias@lugo.gal