A Alcaldesa de Lugo, Lara Méndez, recibiu este mércores ao presidente da Real Academia Galega, Víctor F. Freixanes. Na xuntanza, os representantes de ambas as institucións estudaron posibles fórmulas de colaboración entre o Concello e a Academia.

No encontro, no que tamén participou o secretario da RAG, Henrique Monteagudo, a rexedora e os representantes da Academia coincidiron á hora de manifestar a súa preocupación pola transmisión interxeracional da lingua galega e o interese de impulsar accións de promoción do idioma.