O XXV certame de Contos e Relatos Curtos Trapero Pardo premia a seis estudantes de Lugo

A entrega dos premios terá lugar o 3 de febreiro ás 17 horas no Vello Cárcere

Poderanse presentar traballos até o 20 de decembro

Martes, 28 de xaneiro de 2020
Fonte: 
Gabinete de Prensa

O concelleiro de Educación e Difusión do Coñecemento, Felipe Rivas, anunciou ás seis persoas gañadoras do XXV certame de Contos e Relatos Curtos Trapero Pardo.  “Apoiamos a creación literaria das mozas e mozos de Lugo, e a súa inclusión na vida cultural”, indicou Felipe Rivas.

O Certame está dividido en dúas categorías, de 12 a 14 e de 15 a 18 anos, que terán tres premios cada unha. Cada unha das gañadoras recibirá un diploma e un lote de libros, e a maiores repartiranse premios de distintos valores segundo as categorías. O acto de entrega terá lugar no Vello Cárcere o vindeiro luns, 3 de febreiro.

Na categoría de 12 a 14 anos, a gañadora, que recibe un premio valorado en 200€, foi Rosalía Bernárdez, do IES Leiras Pulpeiro, seguida de Samuel Viño, do Colexio Divino Maestro, con 100€ de premio e de Mencía Álvarez, do IES Lucus Augusti, que recibirá un premio de 70€. Na categoría de 15 a 18 anos, María Pombo, do IES Xograr Afonso Gómez, recibe o maior premio, valorado en 250€, seguida de Paula Pardo, do IES Ánxel Fole, con 130€.

Audio

  • O concelleiro de Educación e Difusión do Coñecemento, Felipe Rivas, sobre o certame de Contos e Relatos Curtos Trapero Pardo | Descargar mp3

Noticias relacionadas