Os lucenses pagan 198 euros anuais, moi lonxe dos 510 euros dos residentes na cidade máis cara do territorio, Murcia. Así mesmo, Lugo posúe unha tarifa dun euro/m3 por debaixo do prezo medio da auga en España
A cidade de Lugo é unha das cidades españolas coa auga máis barata, segundo o último estudo realizado pola Organización de Consumidores e Usuarios (OCU), que realizou unha análise sobre o prezo da auga en 53 cidades españolas para un consumo medio anual de 175 m3, que se corresponde co consumo dunha familia de catro membros.
No caso de Lugo, a pesar de contar con instalacións de moderna xeración, co custo de mantemento que isto supón, posúe unha das tarifas máis baixas, 1€/m3 por debaixo do prezo medio da auga en España, que é de 1,66 m3. Os lucenses pagan 0,66€/m3, é dicir 198 euros anuais, moi lonxe dos 2,01€/m3, 510 euros anuais dos residentes na cidade máis cara do territorio, Murcia.
Ademais, Lugo continúa a ter unha das tarifas máis económicas de auga a pesar do canon de saneamento imposto pola Xunta de Galicia, que obrigou ao Concello a aboar máis de 1,3 millóns de euros o pasado ano 2015 á Comunidade Autónoma.