Feira da Cervexa Artesá esta fin de semana na Praza Horta do Seminario

Ao longo destes tres días poderanse degustar case 80 tipos de cervexas artesáns, de cervexeiros de toda Galicia. Ademais, haberá múltiples actividades

Mércores, 18 de maio de 2016
Fonte: 
Gabinete de Prensa
Feira da Cervexa Artesá esta fin de semana na Praza Horta do Seminario

A Praza Horta do Seminario acollerá entre este venres, 20 de maio, e o domingo 22 de maio, a III Feira da Cervexa Artesá, organizada pola Asociación Galega de Cervexeiros Artesáns e patrocinada polo Concello, co obxectivo de dar a coñecer un produto elaborado de xeito artesanal, por agora descoñecido, e profundizar na cultura que xira ao redor desta bebida. A entrada a esta feira, que contempla ademais stands de comida e múltiples actividades relacionados con este evento, é totalmente gratuíta.

Así, durante a fin de semana na Praza Horta do Seminario poderanse degustar case 80 tipos de cervexas de cerveixos artesáns de toda Galicia, que farán degustacións e venderán as súas producións elaboradas con produtos naturais, podendo descubrir distintos matices e experimentando novos sabores.

Os cervexeiros que se darán cita en Lugo son, Cervexa Áncora e Santo Cristo, de Ourense, Cervexa Aloumiña, Cova da Serpe, Faxilda, Bubela e Doménicus, de Lugo, Cervexa Saramagal e Vacaloura, de Pontevedra, Cervexa Kel´s, da Coruña, Augas Santas, de Foz, Chacueca, de Monforte e Catacraft e Belecker, de Ponferrada.

Horarios

A feira arrincará o venres ás 18:00 horas. Este mesmo día, ás 21:00 horas celebrarase un concerto co grupo Funkobombo. O sábado, ás 14:00 horas, terá lugar un curso de elaboración de cervexa artesá gratuíto. Para participar é necesario enviar un correo electrónico ao enderezo electrónico a cursodecervexa@gmail.com. Entrada a noitiña, ás 22:00 horas, celebrarase un concerto a cargo de Blue Monk. O domingo, terá lugar un concurso á mellor cervexa da feira e á mellor etiqueta.

Os horarios serán venres, 20 de maio, de 18:00 a 00:00 horas, sábado de 12:00 a 00:00 horas, e domingo, de 12:00 a 23:30 horas. 

Noticias relacionadas