A licitación a instalación de casetas e caldeiros do polbo do San Froilán ata o ano 2019

Os interesados poderán presentar propostas durante 30 días hábiles, no Rexistro Xeral do Concello

O BOP publica hoxe a contratación mediante lotes do aluguer de stands para a instalación de postos de venda no San Froilán 2016. O prazo de presentación de ofertas é de 15 días

Mércores, 20 de xullo de 2016
Fonte: 
Gabinete de Prensa

A Concelleira de Cultura, Turismo, Xuventude e Promoción da Lingua, Carmen Basadre, anunciou este mércores que o Boletín Oficial da Provincia (BOP) publica a licitación para autorizar a instalación das casetas e caldeiros do polbo durante as festas do San Froilán dos anos 2016 a 2019. Ao igual que o ano pasado, haberá 4 casetas, quedando máis espazo libre no entorno do Parque, segundo informou a edil, quen deu a coñecer os prezos de saída para as casetas: 18.772,79 euros para a número 1, 17.700,06 para a 2, e 16.627,33 euros para a 3 e a 4. En canto aos caldeiros: 11.714, 22 para o número 1, 11.044,84 para o número 2, e 10.375,46 euros para o 3 e o 4. Os prezos das casetas e caldeiros, que se instalarán na rúa Vila de Foz, establécense en función da proximidade ao recinto feiral. As dimensións máximas das casetas serán de 33x8,80 metros e dos caldeiros do polbo, de 11x4 metros.

Os interesados poderán presentar propostas durante 30 días hábiles, no Rexistro Xeral do Concello. As instancias deberán ir acompañadas de dous sobres, un coa documentación administrativa e outro coa oferta económica.

Para este ano, a montaxe poderase iniciar o día 12 de setembro e comezar a actividade o 30, manténdose en funcionamento ata o día 1 de novembro. Todos os postos deberán ter visibles os prezos, que quedan fixados do seguinte xeito:

-    250 gramos de pulpo, 8 euros
-    200 gramos de pan, 1,50 euros
-    200 gramos de cachelos, 1,50 euros
-    ¾ de litro de viño de mesa, 4,15 euros

Instalación de postos
O Boletín Oficial da Provincia deste mércores publica tamén a contratación mediante lotes do aluguer de stands para a instalación de postos de venda no San Froilán 2016, na Avenida Rodríguez Mourelo (lote 1), Praza Maior (lote 2), Avenida Doutor García Portela (lote 3) e rúa Puro Cora (lote 4). Para todos os lotes a duración da instalación será do 24 de setembro ao 13 de outubro. O valor estimado do contrato será de 96.280 euros.

Os interesados poden presentar a súa oferta no Rexistro Xeral do Concello nun prazo de 15 días.

Máis información no Perfil do Contratante, en www.lugo.gal.

Audio

  • Carmen Basadre, Concelleira de Cultura, Turismo, Xuventude e Promoción da Lingua | Descargar mp3

Noticias relacionadas