A Alcaldesa de Lugo, Lara Méndez, recibiu este luns, no Salón de Plenos do Concello, a un grupo de cincuenta nenos e nenas que cursan segundo de primaria no colexio lucense plurilingüe San José, que viñan acompañados de 3 mestras.

No encontro, os cativos e cativas, duns 7 anos de idade, amosaron curiosidade polo labor desempeñado polo Goberno Municipal e por cuestión relativas á toma de decisións nun Concello. A rexedora, que atendeu as preguntas dos cativos e cativas, explicoulles o seu traballo diario así como o funcionamento do Pleno Municipal e a Xunta de Goberno Local.

Grazas a este tipo de visitas, a figura de Alcaldesa e concelleiros, así como a das institucións, achégase aos máis pequenos da cidade.