O Concelleiro de Deportes e Medio Rural, Miguel Fernández, e a Concelleira de Economía, Emprego e Desenvolvemento Económico, Ana Prieto, asistiron este venres no Centro de Dinamización Rural de Santa Comba ao último dos seis obradoiros gratuítos organizados polo Concello no marco da súa aposta por fomentar e capacitar a innovación e o emprendemento dos lucenses.

En total, máis de 300 persoas coñeceron a aventura de emprender grazas a estes obradoiros postos en marcha pola entidade local para cubrir parte das necesidades formativas e informativas de todo aquel lucense que desexe emprender. Trátase dos obradoiros de A Aventura de Diana: Emprendendo e Innovando Contra Vento e Marea e Triunfar en tempos de cambios, retos e solucións para logralo, que dan resposta ás peticións veciñais dos Orzamentos Participativos. Nestas actividades, que tiveron lugar tanto no Salón de Actos do CEI-NODUS –A Aventura de Diana-, como no Salón de actos do CIPF AS Mercedes, no CEI-NOUDS e no local social de Santa Comba, -Triunfar en tempos de cambios- participaron mozos e mozas, así como mulleres emprendedoras e desempregados en xeral.