A segunda edición destas xornadas terá lugar os días 1 e 2 de outubro no Auditorio do Vello Cárcere, coincidindo co Día Internacional das Persoas Maiores (1 de outubro).
As II Xornadas de Traballo na Atención Sociosanitaria a Persoas Maiores tamén poderán seguirse a través de internet.
A alcaldesa Lugo Lara Méndez recibiu esta tarde aos profesionais que participarán na II Xornadas de traballo: atención sociosanitaria ás persoas maiores no Concello de Lugo, asistirán. Ao encontro tamén asistiu Olga López Racamonde, Concelleira de Benestar Social, Inclusión e Persoas Maiores.
A rexedora agradeceu a implicación de todos os asistentes para que estas xornadas se puideran levar a cabo novamente e aproveitou a ocasión para convidar aos profesionais a gozar da cidade de Lugo mentres duren as xornadas. Aproveitou a ocasión para entregar, o pin de prata do Concello “como regalos institucionais de todas e todos os lucenses”.
Á recepción asistiu José Ramón Martínez Calvo, médico adxunto do Servizo de Xeriatría do Hospital Universitario Lucus Augusti; Miguel Ángel Vázquez Vázquez, Presidente da Sociedade Galega de Xerontoloxía e Xeriatría; María del Rocío Malfeito Jiménez, xefa do Servizo de Xeriatría do Hospital Universitario Lucus Augusti; José Manuel Marín Carmona, médico especialista en Xeriatría e Coordinador do Programa de Memoria e Demencias e Director do Centro Municipal de Envellecemento Saudable do Concello de Málaga.
As II Xornadas de Traballo na Atención Sociosanitaria a Persoas Maiores poderán seguirse en internet, grazas ao Servizo de Audiovisuais da Deputación de Lugo que ofrece a súa retransmisión en streaming a través dos seguintes enlaces:
- Venres de mañá: https://youtu.be/rj1O5YwhfDg
- Venres de tarde: https://youtu.be/jIQ79AMPOXY
- Sábado de mañá: https://youtu.be/GiOPxQypiRs
Máis info
- II Xornadas de Traballo na Atención Sociosanitaria a Persoas Maiores (Programa Definitivo) | Descargar mp3