Servizo Municipal de Comedores Escolares

A concellería de Educación e Difusión do Coñecemento do Concello de Lugo presta o Servizo Municipal de Comedores Escolares, encargado da elaboración de comidas, distribución ás mesas e reparto entre as nenas e nenos, ademais da vixilancia e limpeza do comedor.

Este servizo préstase nos comedores dos colexios de Albeiros, Anexa, As Mercedes, Illa Verde, Menéndez Pelayo, Luis Pimentel, Paradai, Rosalía de Castro e Sagrado Corazón. En todos estes centros préstanse os servizos de madrugadores e xantar. Ademais no resto de CEIPs ofértase o servizo de madrugadoras e madrugadores.

As persoas interesadas en solicitar a alta no servizo como usuarias, deberán rexistrarse a través da nova APP de comedores COLECHEF. Para descargar a App, podedes visitar a web colechef.com, onde vos rediriximos a Google Play ou á App Store (segundo sexa o voso dispositivo).

Para coñecer mais detalles e axuda coa app consulta o documento de Info e condicións de servizo 2022-23.

Axuda coa APP

Menús 2024

Menús 2023