Actualidade

Sábado, 17 de abril de 2021
A alcaldesa de Lugo anuncia que autónomos e empresarios poderán solicitar desde o día 20 as axudas do II Plan de Reactivación Económica

O luns, 19, sairá publicado no BOP o anuncio oficial da convocatoria á que o goberno de Lara Méndez destinará 1.060.000 euros, correspondentes ao 1% do orzamento municipal.

 As subvencións serán de 2.000, 1.500 e 1.000 euros por beneficiario dependendo de se o peche dos establecementos é total ou parcial e segundo o número de empregados.

 As persoas interesadas deberán presentar as súas solicitudes, obrigatoria e exclusivamente, a través da Sede Electrónica do Concello, que simplifica a tramitación.

O plan da continuidade o Plan Reanima municipal, dotado de 5 millóns, e do que se beneficiaron máis de 3.300 empresarios e autónomos.

Técnicos municipais manterán unha videoconferencia con asesorías lucenses para explicar o novo procedemento, máis áxil, de presentación e resolución de solicitudes.

Luns, 19 de abril de 2021
Xuventude traslada á mocidade de Lugo unha proposta de ocio nocturno para as tardes e noites da fin de semana

Até o 20 de xuño a rapazada de 15 anos en diante poderá desfrutar, na Casa da Xuventude, de música, baile, xogos predeportivos, monólogos e mesmo xincanas ou batallas de galos.

As persoas interesadas en participar nas actividades, organizadas ao abeiro do programa +XTI, poden inscribirse enviando un mail a maisporti2020@lugo.gal.

Domingo, 18 de abril de 2021
O avance dos traballos de cubrición de dúas novas pistas de tenis en Frigsa permitirá reabrir estas instalacións no prazo dun mes

A alcaldesa, Lara Méndez, que estivo acompañada polos edís Miguel Fernández e Mauricio Repetto, supervisou a montaxe das cubertas que comezaba despois do Nadal.

A empresa Sport Equipalia encárgase das tarefas, que tiveron un custo de 296.159 euros.

Con estas obras o Concello incrementa os equipamentos a disposición da cidadanía cun total de dúas canchas a cuberto, outra pechada e dúas máis ao aire libre.

Venres, 16 de abril de 2021
Entra en vigor o novo decreto de organización do Concello co reforzo das áreas estratéxicas para a recuperación da cidade na etapa post – Covid

Os cambios promovidos pola alcaldesa, Lara Méndez, teñen como obxectivo incrementar o apoio e a incidencia das políticas municipais nos colectivos máis afectados pola pandemia.

Dende hoxe, Álvaro Santos sitúase ao fronte da área de Sostibilidade Urbana e Miguel Fernández asume Cohesión Territorial que aglutina Medio Ambiente e Medio Rural.

Ana González Abelleira lidera Cohesión e Dinamización Social como edil de Desenvolvemento Local e Emprego. Unha área na que Mauricio Repetto será o referente de Xuventude e Deporte e Silvia Alonso dos ámbitos de Igualdade e Muller.

Manteñen os seus cargos Paula Alvarellos, como concelleira de Gobernanza e Olga López Racamonde, responsable de Benestar, Inclusión e Terceira Idade.

Venres, 16 de abril de 2021
O Goberno de Lugo mellora a pavimentación dos accesos ao MIHL

O Tenente de Alcalde, Rubén Arroxo, visitou a instalación xunto con Maite Ferreiro e Alexandre Penas

A actuación ten un orzamento de 29.015,80€, e inclúe a mellora da drenaxe de augas na zona

Venres, 16 de abril de 2021
Comezan as andainas da iniciativa municipal “Lugo Móvese cos Maiores”

A alcaldesa de Lugo saudou esta mañá aos participantes ao inicio deste primeiro roteiro, que tiña como destino a Domus Mitreo, no que estiveron acompañados pola edil de Benestar, Olga López Racamonde.