Actualidade

Luns, 29 de marzo de 2021
Lara Méndez mobilizará en abril un millón de euros nun segundo plan municipal de axudas directas para autónomos e empresas

A rexedora de Lugo desenvolve o compromiso do Goberno local de destinar o 1% do orzamento deste ano aos sectores máis afectados polas continuadas restricións sanitarias.

As subvencións serán de 2.000, 1.500 e 1.000 euros por beneficiario dependendo de se o peche dos establecementos é total ou parcial e segundo o número de empregados.

A alcaldesa lembra que os recursos deste plan e do Reanima de 5 millóns de euros son municipais, porque a Xunta non canalizou nin “un euro das axudas do Goberno central aos concellos”.

Establécese un novo procedemento, máis áxil, de presentación e resolución de solicitudes, cuxa concesión realizarase por rigorosa orde de entrada na sede electrónica municipal.

Venres, 16 de abril de 2021
Comezan as andainas da iniciativa municipal “Lugo Móvese cos Maiores”

A alcaldesa de Lugo saudou esta mañá aos participantes ao inicio deste primeiro roteiro, que tiña como destino a Domus Mitreo, no que estiveron acompañados pola edil de Benestar, Olga López Racamonde.

Xoves, 15 de abril de 2021
O Goberno de Lugo traballa na renovación do contrato de atención do auditorio Gustavo Freire

Maite Ferreiro: “o Gustavo Freire seguirá contando unha ampla programación organizada desde a área de Cultura”

O Gustavo Freire acolleu, durante o ano de pandemia, máis dun cento de actividades culturais

Xoves, 15 de abril de 2021
Medio Ambiente incrementará a calidade da auga da billa coa renovación do carbón activo da Planta Potabilizadora

A esta subministración destinaranse 247.934 euros que redundarán nunha mellora das cualidades organolépticas da auga.

A traída pública de Lugo é, dende 2010, unha das mellor valoradas no país pola OCU nos sucesivos estudos de consumo que realiza.

A construción da nova ETAP e a aplicación de tratamentos de ozono permitiu diminuír á metade a porcentaxe de thrialometanos presentes na auga.

Xoves, 15 de abril de 2021
Silvia Alonso toma posesión do seu cargo como edil de Igualdade e Muller do Concello de Lugo

A alcaldesa, Lara Méndez, aproveitou a súa intervención para darlle a benvida, agradecendo o compromiso amosado e desexándolle moitos éxitos e acertos no seu labor

Debido ás restricións da pandemia a imposición da medalla realizouse no Salón de Alcaldía, unha vez finalizado o Pleno, nun acto institucional onde estiveron presentes os portavoces de todos os grupos municipais da Corporación.

Xoves, 15 de abril de 2021
Lugo mobiliza nun ano 20 millóns de euros no maior investimento da súa historia para a reactivación económica

A alcaldesa, Lara Méndez, sinala que “o Concello está a realizar un esforzo importante con recursos propios para apoiar aos sectores e diversificar a industria”.

O Pleno aproba destinar un millón de euros ao segundo plan de axudas directas, dando continuidade ao Plan Reanima que beneficiou a 3.300 empresarios e autónomos.

Mércores, 14 de abril de 2021
Comeza a iniciativa EnRedando co Galego, organizada pola Área de Cultura e a AELG, en varios institutos de Lugo

Maite Ferreiro: “queremos promover o uso do galego entre a mocidade, así como a creación literaria e artística a través da lingua”

Maite Ferreiro visitou ás estudantes do IES Muralla Romana, que deron comezo á actividade cunha actuación de Lois Pérez e Aldaolado