Toda persoa que, estando empadroada no Concello de Lugo, cambie o seu domicilio dentro deste, debe solicitar a actualización do seu enderezo padroal.

Quen o pode solicitar?

A persoa interesada maior de 16 anos ou quen posúa a súa representación legal.

Que documentación hai que presentar?

• Documento de identidade en vigor da persoa interesada, segundo o caso:
• No caso de persoas de nacionalidade española: DNI.
• No caso de persoas estranxeiras comunitarias: número de identificación de estranxeira/o (NIE) e pasaporte ou documento de identidade do seu país.
• No caso de persoas estranxeiras non comunitarias: tarxeta de residencia ou pasaporte.

• No caso de actuar a través de representante legal, documento que acredite a representación e documento de identidade da persoa representante.

• No caso de menores de 16 anos:
• Libro de familia.
• Documento que acredite a tutela ou garda e custodia no caso de separación ou divorcio.
• Autorización de nai/pai/titora/titor legal, no caso de que non figuren inscritos no mesmo enderezo e/ou cando a garda e custodia é compartida.

•  Documentación relativa ao novo enderezo, segundo sexa o caso:
• Vivenda ocupada:
• Autorización para residir na vivenda (xunto co DNI ou documento de identidade da persoa autorizante, segundo o caso).

• Vivenda en alugamento:
• Contrato de alugamento, e último recibo de alugamento se o contrato se formalizou hai máis dun ano.
• Última factura de subministración de luz ou cargo bancario. No caso de que sexa un alta recente, contrato de alta no subministro. Ou se non dispón destes documentos, declaración responsable de vivenda habitual.

• Vivenda en propiedade:
• Recibo do IBI -imposto de bens inmobles- (contribución)(*) ou escritura pública que acredite que a persoa titular é a propietaria efectiva da vivenda.
• Última factura de subministración de luz ou cargo bancario. No caso de que a alta sexa recente, contrato de alta no subministro.

• Vivenda en réxime de cesión:
• Autorización para residir na vivenda (xunto co DNI ou documento de identidade da persoa autorizante, segundo o caso).
• Recibo do IBI -imposto de bens inmobles- (contribución)(*) ou escritura pública que acredite que a persoa titular é a propietaria efectiva da vivenda, ou, de ser o caso, contrato de alugamento, e último recibo de alugamento se o contrato se formalizou hai máis dun ano.
• Última factura de subministración de luz ou cargo bancario. No caso de que a alta sexa recente, contrato de alta no subministro.

• Pensión, hotel ou establecemento colectivo similar:
• Xustificante de inscrición no seu rexistro.

(*) A presentación destes documentos (IBI e auga) é voluntaria, se ben contribúe a axilizar a tramitación do expediente.

Onde se presenta? 

No Servizo de Estatística
Centro de Servizos Municipais
Ronda da Muralla, 197
Horario: luns a venres, de 9:00 a 14:00

Cal é o prazo para resolver? 

Aproximadamente unha semana. 

Canto custa? 

Gratuíto. 

Onde se tramita? 

Sección de Estatística – Concello de Lugo.