Á solicitude xuntarase a seguinte documentación, que se presentará de acordo cos modelos dos ANEXOS:

Documentación xeral:

• Fotocopia do NIF da entidade. 
• Fotocopia do NIF da persoa que actúa como representante.
• Copia do documento acreditativo da representación que ten a persoa solicitante na entidade ou asociación.
• Certificación da conta bancaria da asociación.
• Declaración responsable a achegar coa solictude (ANEXO.-Declaración responsable solicitude). 
• Declaración responsable da/o secretaria/o da entidade, co visto e prace da/o presidenta/o da entidade, no que conste a relación de persoas que figuran na xunta directiva, así como as diferentes vogalías ou departamentos dela. 
• Copia dos estatutos ou documentos acreditativos da personalidade da entidade. Na copia dos estatutos deberá figurar o selo xustificativo da inscrición no rexistro público correspondente.
• Acreditar a súa inscrición, de ser o caso, no Rexistro de fundacións da Xunta de Galicia, no do Estado ou en ámbolos dous. 
• Acreditar a súa inscrición, de ser o caso, no Rexistro de entidades relixiosas da Dirección Xeral de Cooperación Xurídica Internacional e Relacións coas Confesións dependente da Subdirección Xeral de Relacións coas Confesións ou en calquera outro rexistro público que as acredite como tal. 
• Certificación da secretaría da entidade, na que conste a existencia dun departamento de muller e igualdade, se fose o caso.
• Acordos ou actas da entidade acreditativas do funcionamento das vogalías ou departamentos específicos de muller.
• Calquera outro documento que se considere de interese para acadar unha mellor avaliación da solicitude.
• Descrición do programa de actividades a realizar, cunha relación gastos/ingresos (ANEXO.- Descrición das actividades a desenvolver), que poderá vir acompañado do proxecto que se estime máis conveniente co fin de acadar unha mellor avaliación.

Prazo de presentación:

• 15 días hábiles dende a publicación no BOP (ata o 14 de agosto).