O Concelleiro de Desenvolvemento Sostible e Persoal, Daniel Piñeiro, informou este mércores de que o servizo de limpeza viaria e recollida de residuos terá durante todo este mes de agosto e o de setembro un operario especificamente destinado ao lavado dos 1.200 contedores de lixo cos que conta o municipio. Os labores, que comezaron esta semana, desenvólvense cunha máquina de limpeza de auga a presión, coa que se lava o exterior, o interior e os engrenaxes dos depósitos co fin “de que estean debidamente acondicionados, non desprendan mal olor e favorezan unha boa imaxe urbana”, subliñou o edil.