Martes, 11 de abril de 2023
Fonte:
Gabinete de Prensa
O Concello de Lugo informa de que durante o período comprendido entre os días 10 e 17 de abril, ambos os dous inclusive, está exposto ao público o censo electoral pechado a día 30.01.2023, ao obxecto de que todos os veciños e veciñas empadroados/as poidan comprobar a súa correcta inscrición nas listas de votación e, no seu caso, facer as reclamacións oportunas.
A consulta informática das listaxes electorais, que se deberá realizar persoalmente, é un trámite necesario e convinte para toda a cidadanía co fin de garantir o exercicio do dereito ao voto.
O censo estará exposto nas Oficinas municipais Ronda Muralla, 197, en horario de 9.00 a 14.00 horas, os días laborais, e de 10.00 a 14.00 horas, o sábado 15 e o domingo 16 de abril.