Representantes da Corporación Local gardaron un minuto de silencio na concentración celebrada esta mañá ante a Subdelegación do Goberno en sinal de condena e repulsa contra os asasinatos machistas de catro mulleres nas últimas dúas semanas, ocorridos en Málaga, Madrid e Alicante, a mans das súas parellas ou ex parellas, e que eleva na 42 o número de mulleres asasinadas no que vai de ano.

A Delegación do Goberno contra a Violencia de Xénero confirmou a natureza machista dos crimes destas catro mulleres de 60, 25, 45 e 29 anos. Dous dos presuntos agresores xa están detidos mentres que os outros dous se suicidaron tras cometer o crime. Con estes casos, as asasinadas desde 2003, ano no que comezaron a contabilizarse estes crimes machistas, son xa 1.337 mulleres.