Olga López, concelleira de Servizos Sociais, recibiu onte unha partida de material de protección para os empregados públicos do seu servizo, que se suma ao resto que foi adquirindo o Concello de Lugo desde o inicio de esta crise. Desde o Goberno local lamentan a demora á hora de recibir os equipos, pero é unha situación crítica e complicada porque o mercado está saturado e a distribución é complicada.

Ata o día de hoxe, o único material que utilizou o concello foi o que comprou con recursos propios e o que foi doado tanto por diferentes empresas do municipio, entre elas varias farmacias, como por particulares, aos que a alcaldesa Lara Méndez lles fixo chegar o agradecemento do Goberno local en nome de toda a cidadanía pola súa xenerosidade e implicación.

O Concello de Lugo solicitou xa hai varios día á Xunta de Galicia que lle envíe material, pero aínda está á espera.

Todos os equipos que chegan se reparten de maneira inmediata para a protección dos traballadores e usuarios dos servizos que máis o necesitan, como os vinculados coa área de Benestar e as forzas de seguridade.