O Concello de Lugo súmase á celebración do Día Internacional da Síndrome de Down

Venres, 18 de marzo de 2022
Fonte: 
Gabinete de Prensa
O Concello de Lugo súmase á celebración do Día Internacional da Síndrome de Down

O Concello de Lugo vén de pendurar do balcón da Casa Consistorial un lazo azul para secundar así a celebración, o próximo luns, 21 de marzo, do Día Internacional da Síndrome de Down.

Un xesto co que, dende a Administración local, se pretende axudar a dar visibilidade á realidade do colectivo de persoas con esta alteración cromosómica, á vez que serve de trampolín para poñer sobre a mesa as principais reivindicacións en materia de dereitos.

21 de marzo, Día Mundial da Síndrome de Down

En decembro de 2011, a Asemblea Xeral das Nacións Unidas designou o 21 de marzo Día Mundial da Síndrome de Down. Con esta celebración, quérese promover unha maior conciencia pública sobre a cuestión e lembrar a dignidade inherente, a valía e as destacadas contribucións das persoas con discapacidade intelectual como promotoras do benestar e da diversidade das súas comunidades. Así mesmo, quérese resaltar a importancia da súa autonomía e independencia individual, en particular a liberdade na toma das súas propias decisións.

Noticias relacionadas