Lugo celebra o Día da Xuventude convidando á mocidade a propoñer as actividades que lle gustaría facer. A Concellería de Muller, Igualdade e Xuventude, que dirixe Ana González Abelleira, pon en marcha esta iniciativa, a través do Facebook de Xuventude de Lugo, dirixido aos mozos e mozas de 14 a 35 anos, coa finalidade de coñecer as propostas en actividades formativas ou de lecer que lles gustaría que fosen organizadas dende a concellería. Búscase, deste xeito, desenvolver un programa que se axuste aos gustos da poboación máis nova.

Para participar débese acceder ao Facebook de Xuventude de Lugo (facebook.com/XuventudeLugo) e deixar un comentario na publicación correspondente a esta información, onde se poderá indicar o tipo de obradoiros ou talleres formativos, visitas, rutas e outras actividades que poderían ser organizadas dende o Concello de Lugo, en cumprimento coas inquietudes dos mozos e mozas. O prazo finalizará nun mes.

A Concellería de Muller, Igualdade e Xuventude convida á mocidade activa de Lugo a participar e facer as súas propostas, coas que Lugo dará resposta aos intereses deste colectivo.

Audio

• A concelleira de Muller, Igualdade e Xuventude, Ana González Abelleira, sobre o Día Mundial da Xuventude | Descargar mp3