A alcaldesa Lara Méndez non falla á cita co ‘Lucus Raid’ e percorre parte do Camiño cos mozos e mozas emprendedores

A iniciativa da área de Desenvolvemento Local e Emprego vai dirixida a desempregados menores de 30 anos que busquen emprego ou queiran emprender

O concelleiro Mauricio Repetto tamén fixo de peregrino durante toda a xornada xunto aos participantes

Venres, 13 de setembro de 2019
Fonte: 
Gabinete de Prensa
A alcaldesa Lara Méndez non falla á cita co ‘Lucus Raid’ e percorre parte do Camiño cos mozos e mozas emprendedores

A alcaldesa Lara Méndez e o concelleiro de Desenvolvemento Local e Emprego, Mauricio Repetto, acompañaron este venres aos vinte mozos e mozas emprendedores que participan no ‘Lucus Raid’, proxecto dirixido preferentemente a persoas desempregadas menores de 30 anos e as mulleres de Lugo que estean a buscar empregou con carencias para iniciar un negocio.

A actividade mestura o esforzo e a resistencia para realizar o Camiño Primitivo en distintas etapas coa formación e a motivación para mellorar a empregabilidade da mocidade.

A rexedora realizou parte do percorrido do Camiño desta primeira etapa e o concelleiro acompañounos durante toda a xornada. Lara Méndez lembrou que “co Lucvs Raid pretendemos fomentar a cultura emprendedora á vez que poñemos en valor o patrimonio lucense”.

Esta xornada comezou ás 16.00h no Centro Maruja Mallo, onde os emprendedores recibiron un kit de peregrinos ademais dunha explicación xenérica da actividade que van a desenrolar durante esta fin de semana. Comezaron na porta de San Pedro dirixíndose á Ponte Romana, camiño a San Vicente do Burgos. Na xornada de maña a etapa transcurrirá dende San Vicente do Burgo ata Augas Santas e o domingo dende Augas Santas ata Melide.

O Lucvs Raid desenvolveranse nesta fin de semana e na última de setembro 27, 28 e 29.

O programa previsto no itinerario será o percorrido do Camiño durante as mañás (20 quilómetros diarios de media) e o desenvolvemento de talleres formativos polas tardes, que estarán a cargo de especialistas en áreas estratéxicas para a posta en marcha de iniciativas empresariais. Ao mesmo tempo que se da a formación potenciarase a creación de lazos de cooperación entre os participantes.

As etapas axustaranse ao percorrido tradicional do Camiño de Santiago durante os últimos 140,9 quilómetros do Camiño Primitivo, desde o antigo hospital de peregrinos en A Fonsagrada ata Santiago de Compostela.

Noticias relacionadas