O Tenente Alcalde, Rubén Arroxo e o edil de Infraestruturas Urbanas, Alexandre Penas, visitaron a praza do Sagrado Corazón, que está a ser renovada. Rubén Arroxo explicou que “este espazo converterase nun punto de encontro necesario para a veciñanza do Sagrado Corazón, mellorando a imaxe e a seguridade da zona”.

O Goberno de Lugo inviste 86.020€ nesta intervención, que ten un prazo de execución de 3 meses. Xunto coa transformación da rúa, renovaranse tamén os servizos como o alumeado, cuxa instalación se soterrará. Ademais, renovarase o illamento e a impermeabilización do edificio e renovarase o mobiliario urbano.

Coa renovación do alumeado público avanzarase na implantación de luminarias LED, que contan con consumos inferiores ás luminarias instaladas actualmente, e terán unha tonalidade máis agradable que a actual.

Rubén Arroxo explicou que “o novo alumeado mellorará a seguridade da zona, ao contarse cunha luz máis uniforme, ao mesmo tempo que se mellora a estética da zona e se reduce o consumo enerxético”.

Audio

• O Tenente Alcalde, Rubén Arroxo, sobre a visita á praza do Sagrado Corazón | Descargar mp3