Lara Méndez reparte 400 abetos entre os comercios da campaña Nadalmente Lucense para incentivar a compra de barrio

Mércores, 21 de decembro de 2022
Fonte: 
Gabinete de Prensa
Lara Méndez reparte 400 abetos entre os comercios da campaña Nadalmente Lucense para incentivar a compra de barrio

A Alcaldesa de Lugo, Lara Méndez, e o tenente de alcaldesa e edil responsable de Medio Ambiente, Miguel Fernández, iniciaron o reparto de 400 abetos de Nadal nos comercios locais adscritos ao movemento Localmente Lucense - activado para dinamizar a economía de proximidade- en todos os barrios para incentivar a compra local.

Esta campaña, enmarcada na campaña Nadalmente Lucense, repetiuse un ano máis despois de que a solicitasen os propios comerciantes tras o éxito de edicións anteriores. "Todo vai enfocado a fomentar o negocio de proximidade, facendo os establecementos máis agradables en época de Nadal cunha decoración natural e típicas destas datas, seguindo o modelo de cidade verde e sostible no que estamos a traballar” .

Sinalar que, a través desta mesma concellería, se procederá á recollida de abetos naqueles comercios que non desexen quedarse con eles unha vez pasadas as festas de Nadal, co fin de replantalos nos espazos verdes da cidade.

Noticias relacionadas