O concelleiro de Infraestruturas Urbanas, Alexandre Penas, anunciou que se abriu o procedemento de licitación para realizar novos pasos de peóns no entorno dos centros de ensino. “Construiranse novos pasos de peóns elevados nas rúas Rei Xordo, Alexandre Bóveda, rúa Galicia, Mariña Española e Angelo Colocci”, indicou Alexandre Penas.

“Temos previsto que estes pasos de peóns se realicen durante as vacacións escolares do verán, para evitar así crear molestias ás familias que leven ás súas fillas e fillos a estes centros”, indicou Alexandre Penas, que engadiu “a actuación saíu a licitación cun orzamento de 79.992,81€, e a empresa que a leve adiante terá un prazo de dous meses para completar os traballos”.

Alexandre penas indicou que “traballamos activamente en calmar o tráfico para mellorar a seguridade nos recintos escolares”. Segundo o edil de Infraestruturas, “con este tipo de medidas complementamos as medidas nas que a Dirección Xeral de Tráfico está a traballar, encamiñadas a cidades cun menor número de vehículos circulando”.

Audio

• O concelleiro de Infraestruturas Urbanas, Alexandre Penas, sobre os novos pasos de peóns elevados | Descargar mp3