O Alcalde de Lugo, José López Orozco, expresou o apoio do Concello ós traballadores autónomos esta mañá, durante o acto de inauguración da nova sede da Unión de Profesionais e Traballadores Autónomos de Galicia.
O Concello de Lugo expresa a súa satisfacción pola nova proposta da Xunta de Galicia para construír na cidade unha estación intermodal.
O Concello deu o visto e prace os proxectos da cuarta fase do Plan Paradai e dá cumprimento deste xeito ó Convenio coa Consellería de Medio Ambiente, Territorio e Infraestruturas.
A Xunta de Goberno local aprobou hoxe inicialmente os dous últimos proxectos de urbanización deste Plan. Son, concretamente, o proxecto Ponte Paradai-rúa Serra de Meira-avenida da Estación-praza de Conde Fontao e a estrada das Gándaras.
O Goberno municipal presidido por José López Orozco foi quen conseguiu o financiamento para facer as travesías das antigas nacionais, redactou os proxectos e fixo as obras, segundo aclarou hoxe o Concelleiro de Infraestruturas, José Piñeiro.
Piñeiro explicou en rolda de prensa que foi o actual Alcalde quen logrou sacar adiante estes proxectos en resposta ó candidato á Alcaldía do Partido Popular, Jaime Castiñeira.
O Alcalde de Lugo, José López Orozco, fixo balanzo hoxe dos investimentos feitos no casco histórico da cidade durante os seus mandatos. O importe total destes investimentos, xestionados polo Goberno local dende que é Alcalde da cidade José López Orozco, aproximase a 36 millóns de euros en proxectos que inclúen 48 obras de urbanización, alumeado público e ornamentación, obras de rehabilitación de edificios e musealización e o Plan Urban, entre outros.
O SAE, que xa funciona noutras cidades, axudará a mellorar o transporte público de Lugo
Os Concello vai mellorar o servizo de transporte público coa implantación dun novedoso sistema que manterá informados ós usuarios sobre os horarios dos autobuses urbanos. Con este sistema de información en tempo real, Lugo sitúase ó nivel das cidades que máis apostan polo transporte público.
O Alcalde de Lugo, José López Orozco, o Concelleiro de Infraestruturas, José Piñeiro, e o Concelleiro de Medio Ambiente e Zona Rural, Lino González Dopeso, visitaron esta tarde o novo parque biosaudable situado no parque de Albeiros.
O Concelleiro de Infraestruturas, José Piñeiro, anunciou esta mañá a apertura a vindeira semana de máis de 660 metros de novos viais no barrio da Milagrosa comprendidos entre Camiño de Pipín, Rúa das Fontes, Avenida da Coruña, Rúa da Milagrosa e Curros Enríquez. Esta novas rúas que se abrirán a comezos do mes de xuño son: Avenida Reverendo Xosé Fernández Núñez, Rúa Anselmo Sampedro Ania, Rúa Alfredo Vila e Rúa Eloi Maquieira.
O Concelleiro de Infraestruturas, José Piñeiro, anunciou esta mañá que o Concello vai investir 4 millóns de obras que se van facer na cidade nos próximos meses. Son 24 obras de diferentes tipos de infraestruturas que se van facer en 15 barrios da cidade.
O Concelleiro de Infraestruturas, José Piñeiro, anunciou que mañá venres 23 de abril abrirase de novo ao tráfico a Ponte de Orbazai sobre o río Mera que foi reconstruída tras ser derrubada polo temporal que afectou á cidade a finais do mes de febreiro.
Piñeiro explicou que a Ponte do Río Mera ía ser ampliada con cargo ao Plan E 2010 polo que se modificou o proxecto co fin de utilizar eses fondos para reconstruír a infraestrutura.
Páxinas
- « primeira
- ‹ anterior
- …
- 265
- 266
- 267
- 268
- 269
- 270
- 271
- 272
- 273
- …
- seguinte ›
- última »