A Tinería acollerá este sábado a Festa das Meigas promovida polo Goberno de Lara Méndez no marco da campaña de Samaín

A programación incluirá actuacións musicais, pasarrúas, batucada, obradoiros para todas as idades, chocolatada, un concurso de caracterización e un espectáculo infantil.

Esta actividade enmárcase dentro das accións de dinamización específicas para o desenvolvemento económico e social do barrio da Tinería promovidas polo executivo.

Mércores, 26 de outubro de 2022
Fonte: 
Gabinete de Prensa
A Tinería acollerá este sábado a Festa das Meigas promovida polo Goberno de Lara Méndez no marco da campaña de Samaín

O barrio da Tinería acollerá este sábado a I Festa das Meigas, promovida polo Goberno de Lara Méndez, dentro da campaña de fomento do consumo local e apoio ao comercio e a hostalería da cidade, con motivo da celebración do Samaín. Esta campaña inclúe tamén un concurso en redes sociais; unha xincana con varias probas; así como a presenza de dous animactores caracterizados que percorrerán as rúas dos diferentes barrios de Lugo, do 24 ao 28 de outubro de 18:00 a 20:00 horas e o 29 de outubro de 12:00 a 14:00 horas.

A actividade do sábado enmárcase, así mesmo, dentro das accións de dinamización específicas do movemento Localmente Lucense para o desenvolvemento económico e social do barrio da Tinería. Deste xeito, coa finalidade de dinamizar as rúas desta zona emblemática da cidade e apoiar aos establecementos de proximidade instalados no viveiro de empresas que habilitou o Concello, porase en marcha unha ampla programación que dará comezo ás 11:00 horas e se estenderá ao longo de todo o día.

Haberá actuacións musicais, pasarrúas, batucada, obradoiros para nenos e nenas e de maquillaxe, chocolatada, un concurso de caracterización e un espectáculo infantil. Toda a información e as bases do certame poden consultarse a través da páxina web: https://localmentelucense.gal/meigas/

Programación

De 11.00 a 21.00 h. Música e photocall.

De 11.00 a 12.00 h. Pasarrúas con carriño musical que percorrerá as rúas do barrio difundindo as actividades do movemento LocaLmente Lucense.

De 12.00 a 14.00 h. Obradoiro infantil “Complementos de meigas/os”: con materiais doados de traballar crearemos máscaras, gatos, sombreiros, basoiras… e complementos de meigas desde as máis clásicas ás máis extravagantes.

De 12.30 h. a 13.30 h. Batucada itinerante a cargo do grupo de percusión Asociación Cultural Bloco de Meigallo ambientando e dinamizando a zona.

De 13.30 h. a 15.30 h. Sesión vermú a cargo de DJ Marcon Peón xunto ao gañador do concuro de DJ´s LocaLmenteLucense Kiko Dj.

De 16.00 a 17.00 h.  Obradoiro de maquillaxe para quen queira infiltrarse na festa e ir ambientado coa temática da xornada. Crearemos meigas diferentes.

De 17.00 h a 18.00 h. Espectáculo infantil “Cores. contos e rock and roll” a cargo de Ramona Órbita.

De 18.00 h a 20.00 h. Gastronomía de meigas: espazo para lambetadas dulces, taller e chocolatada gratis ata fin de existencias.

De 18.30 h a 19.30 h. Batucada itinerante a cargo do grupo de percusión Asociación Cultural Bloco de Meigallo ambientando e dinamizando a zona.

De 20.00 h a 20.30 h. Concurso desfile “A/o meiga/o mellor vestida/o” para todos os xéneros. Pódese participar individualmente, en parella ou grupo. Inscricións máis abaixo nesta web ou o día da festa, de 12.00 a 19.00 h. na rúa Tinería nº36.

  • 1º PREMIO: vale de 300 euros para gastar nos establecementos do movemento
  • 2º PREMIO: vale de 200 euros para gastar nos establecementos do movemento
  • 3º PREMIO: vale de 100 euros para gastar nos establecementos do movemento

De 20.45 h. Entrega de premios.

De 21.00 h. Actuación musical de The Big Party.

Audio

 

Noticias relacionadas