A Alcaldesa de Lugo, Lara Méndez, a Deputada de Medio Ambiente, Sonsoles López Izquierdo, e o Presidente do Consello Regulador da Agricultura Ecolóxica de Galicia (CRAEGA), José Antonio Fernández, visitaron esta tarde os postos da feira ecolóxica Ágora Verde, que acolle dende esta tarde e ata domingo a Praza Maior. O Concello colabora con esta iniciativa, posto que a agricultura ecolóxica supón unha oportunidade económica e de emprego para o municipio, e máis tendo en conta que Lugo é lider neste sector, concentrando a provincia máis da metade das 20.000 hectáreas que hai de produción en toda Galicia.