O Cemiterio Municipal de San Froilán ofrece dende hoxe un tour virtual polas súas instalacións. Así o vén de dar a coñecer a Concelleira de Concello e Cidadanía en funcións, Rosana Rielo, quen enmarcou esta nova acción de difusión do camposanto na estratexia do Concello de potencialo como recurso patrimonial, histórico e turístico.

Trátase dunha forma novidosa de coñecer o Cemiterio Municipal, de xeito cómodo, sólo a un click, onde se poderán atopar, cunha mimada e coidade imaxe, a través dos ollos de Álvaro Barreiro, os distintos monumentos do camposanto, persoeiros destacados, ou incluso a propia capela, entre outros.

Concretamente, o tour virtual conta con 79 fotografías panorámicas 360º, con 291 marcadores puntuais, 47 imaxes que son puntos de interese, 11 documentos explicativos e 2 galerías de fotos do Mauselo da familia Ventosinos e do Panteón de García Abad.

As persoas interesadas en realizar este tour polo cemiterio, que atesoura os premios de Mellor Monumento Arquitectónico de Cemiterios de España e o de Mellor Actividade de Portas Abertas de Cemiterios de España, poden acceder a través da web cemiterio.lugo.gal. O  Cemiterio de San Froilán forma parte tamén da Rede de Cemiterios Patrimonias, a Asociación Europea de Cemiterios, está na Ruta dos Cemiterios Españoles e Europeos, e na Asociación de Entidades Municipais de Cemiterios.

Audio

• A edil Rosana Rielo, sobre a visita virtual ao Cemiterio de San Froilán | Descargar mp3

Máis info

• Web do Cemiterio » http://cemiterio.lugo.gal
• Tour virtual do Cemiterio » http://cemiterio.lugo.gal/tourvirtual/