Un total de nove compañías e grupos teatrais de Lugo se sumarán á programación deseñada pola área de Alcaldía para festexar os 25 anos da declaración da Muralla como Ben Mundial. Faranno gracias a súa participación nun percorrido teatralizado, coa muralla de telón de fondo, para representar unha pequeña obra en cada unha das portas do monumento. O alcalde de Lugo, Miguel Fernández salientou “a amplia resposta das compañías lucenses que desde o minuto un se apuntaron para facer posible este percorrido teatral pola Muralla, para que este arte tamén forma parte da programación deseñada para festexar o 25 aniversario e serva para dar aínda máis visibilidade a nosa Muralla”.

A ruta teatral comezará o sábado 22 ás 11.00 da mañá, na porta Falsa, coa actuación do grupo Hospital Teatro. Vinte minutos despois, será o turno para a compañía Achádego Teatro, que representará a súa obra na porta de San Fernando. O percorrido teatral continurá seguindo a Muralla, polo que a seginte parada será na porta de Bispo Odoario, ás 12.00 horas, coa actuación da compañía Solitaria do Dr.Monifate. Uns vinte minutos despois a escea trasladarase á Porta Miñá, cunha nova representación, neste caso a cargo de Ubu Teatro.

Ás 12.45 está prevista a actuación de Bátega Teatro, na Porta de Santiago, que dará paso a representación a cargo da compañía Pinchacarneiro, na porta de Bispo Aguirre, a partir das 13.00 horas. As representacións teatrais se trasladarás, ás 13.20 horas, ata a seguinte porta, a de Campo Castelo para acoller a actuación das e dos integrantes de Teatro do Miolo. A Mosqueira será o escenario escollido pola agrupación Palimoquiños Teatro para actuar a partir das 13.45 horas, mentres que ás 14.00, a Asociación Cultural Ousadía será a encargada de actuar en derradeiro lugar, na porta de San Pedro, e poñer así o punto final a este percorrido teatral.

Os grupos de teatro que participan nesta xornada artística son: Asociación Teatral Achádego, Asociación Cultural Ousadía, UBU Teatro, Compañía Solitaria do Dr. Monifate, Teatro de Miolo e Cía, Bátega Teatro, Asociación Os Pinchacarneiros, Hospital Teatro e o grupo Palimoquiños.

De mónogos a performance

Porta Falsa, ás 11.00 horas: representación breve da obra “O achado do Castro”, na que dous ladróns da época romana argallan derrocar ó Emperador, a cargo do Grupo de Teatro do Hospital de Lugo, será a encargada da abrir esta ruta teatral.

Porta San Fernando, ás 11.20 horas: representación da montaxe de microteatro “Profundando nas cousas da vida”, baseada en relatos de Castelao, a cargo de Achádego.

Porta Bispo Odoario, ás 12.00 horas: “A Muralla Arte Contemporaneo”, conta a historia dun home malo, que na súa busca do mal atopou dous elementos que lle permiten desenvolver facer o mal: a verdade e a arte contemporánea. Nunha disertación vai ser quen de incluir a peza A Muralla de Lugo de autoría colectiva no mercado da arte contemporánea. A representación corre a cargo da Compañía Solitaria do Dr. Monifate.

Porta Miñá, ás 12.20 horas: coa actuación do grupo Ubu Teatro e a súa representación titulada “Contos de mañá”.

Porta Santiago, ás 12.45 horas: o grupo Bátega Teatro propón unha función, que baixo o título de “Estraperlistas”, trata sobre o estraperlo e as portas da Muralla.

Porta Bispo Aguirre, ás 13.00 horas: representación castrexa a cargo do grupo Pinchacarneiro.

Porta Campo Castelo, ás 13.20 horas: “Pum, pum. Quen é?” é o título da representación que levará a cabo o grupo Teatro do Miolo e Cía, no que unha particular muller agarda; un inesperado interlocutor fai acto de presenza e cóntase así a historia dun encontro que desafía o tempo.

A Mosqueira, ás 13.45 horas: “Non me esquezas“ e o título dunha performance sobre os acontecementos que tiveron lugar en Lugo dende a abdicación de Alfonso XIII e a proclamación da Repúbica na nosa cidade, lembrando a Rafael de Vega ou Juana Capdevielle, a cargo do grupo Palimoquiños Teatro.

Porta de San Pedro, ás 14.00 horas: representación da peza ”Lendas da muralla de Lugo” a cargo do grupo Teatro Ousadía.