Venda ambulante non autorizada

Ás 11’10 horas do martes 16, unha patrulla da Unidade Territorial de Policía de Barrio, que prestaba servizo de vixilancia pola zona centro da cidade, pode observar como unha muller atópase realizando venda ambulante nun dos accesos á Praza de Abastos, ocupando as portas da mesma con roupa colgada en perchas.

Os axentes diríxense á citada muller, solicitándolle a súa identificación e a autorización municipal para exercer a venda ambulante, da cal manifesta carecer, motivo polo cal se lle convidou a cesar na devandita actividade, abandonando o lugar.

Identificación de persoa sospeitosa de agresión

Ás 13’45 horas do mesmo día, a Sala do 092 recibe aviso sobre unha presunta agresión na Estación de Autobuses, motivo polo cal se comisionan no lugar varios indicativos policiais. Unha vez no lugar, os axentes poñense en contacto cos requirentes, sendo informados de que, instantes antes, un individuo agarrara a unha menor da familia, descoñecendo se de forma accidental ou con intención de agredila, xa que posteriormente ausentouse do lugar. Informóuselles do procedemento para seguir para denunciar os feitos, ao que responderon que valorarían a posibilidade de facelo.

Os policías, grazas á información achegada polos traballadores da Estación de Autobuses, lograron localizar ao individuo en cuestión no interior dun local de hostalería da zona, procedendo á súa identificación.

Auxilio a cidadáns

Ás 13’15 horas recíbese requirimento na Sala do 092, por parte dun familiar que reside fora de Lugo, sobre unha persoa, con problemas de mobilidade, da cal os veciños non saben nada desde hai días. Se comisiona no lugar unha patrulla da Unidade Territorial de Policía de Barrio, cuxos axentes comezan indagacións, a través das cales comproban que nin os veciños, nin a farmacia que normalmente lle leva medicación, nin ninguén da súa contorna viu á muller desde facía varios días.

Debido ao resultado das investigacións e a que, pasadas xa dúas horas, os axentes continuaban sen recibir resposta do interior da vivenda, requiren a presenza dos Bombeiros, para tentar acceder ao piso. No momento no que se manipulaba a fechadura, escóitase no interior a voz dunha muller que asegura atoparse ben, a pesar do cal os policías insisten en que abra a porta para poder entrar en contacto con ela directamente, ao que finalmente accede.

Ás 00’55 horas, unha patrulla do Grupo Operativo Nocturno, observa a presenza dun mozo que aparentemente se atopa en mal estado, na Avd. da Coruña con San Lorenzo, polo que deteñen a súa marcha para interesarse polo mesmo, comprobando que presuntamente se atopa baixo a influencia dalgunha substancia e acompañado doutros dous mozos. Estes últimos manifestaron que estiveran con el no Parque da Milagrosa, pero que xa o atoparon así, polo que descoñecían o que podía tomar.

Finalmente foi requirida a presenza dunha ambulancia do 061, que determinou o seu traslado ao HULA.