Accidentes de circulación e delito contra a seguridade viaria

• Ás 12:20 horas do día de onte un equipo de Atestados da Policía Local de Lugo desprázase á rotonda da rúa Serra de Meira, xa que se producira un accidente de circulación no que un turismo realiza a rotonda en sentido contrario á circulación, chocando frontalmente contra un camión que circulaba pola glorieta. Como consecuencia resultaron feridos o condutor do camión e o seu acompañante, que foron trasladados ao HULA nunha ambulancia, con lesións que ao parecer non revisten gravidade, practicándose probas de alcoholemia a ambos os condutores con resultado Negativo. (Adxúntanse imaxes).
• Ás 05:41 horas do día 25 de novembro un equipo de Atestados da Policía Local de Lugo desprázase á rúa Miguel de Cervantes xa que se producira un accidente no que o condutor dun vehículo perde o control, chocando contra un estacionado. Os axentes observan que este condutor presenta signos de embriaguez, sendo sometido ás probas de detección alcohólica, lanzando un resultado POSITIVO de 0,79 mg/l, instruíndose dilixencias por delito contra a seguridade viaria na modalidade de Xuízo Rápido, procedendo a trasladar o vehículo ao Depósito Municipal onde queda inmobilizado.