Can encerrado en almacén

Durante a xornada do martes, os axentes da Unidade Territorial de Policía de Barrio acudiron a un establecemento hostaleiro na rúa Reverendo Xosé Castiñeira, para comprobar o estado dun can no interior do almacén do local. Os axentes comproban que, aparentemente, o can atópase en bo estado de saúde, aínda que carece de microchip identificativo, polo que se solicita a documentación do mesmo, para comprobar se dita carencia débese á súa idade, xa que estes animais han de ser identificados nos tres primeiros meses de vida. Os axentes tamén advertiron á propietaria de que debería sacar ao can do lugar, xa que o mesmo, aínda que non presentaba un estado de sucidade notorio, si tiña algunha deposición do propio can no chan. Os axentes continúan realizando comprobacións, tanto para concretar a idade do animal documentalmente, como para ver se as condicións nas que é atendido son as adecuadas.

Agresión a peón

Durante a mañá do martes, os axentes da Unidade de Atestados e da Unidade Territorial de Policía de Barrio, iniciaron as investigacións necesarias para a localización dun vehículo e identificación dos seus ocupantes, xa que, segundo denuncia recibida, o turismo estivera a piques de atropelar a un peón nun paso peonil da rúa Escultor Asorey, tras o cal o viandante recriminara o acto ao condutor do vehículo, o cal, acompañado doutra persoa, descendería do automóbil e agredido ao peón, tras o cal ausentáronse do lugar.

Auxilio a cidadán

Tamén durante a xornada do martes, os axentes auxiliaron a unha muller, de 80 anos de idade, que se caeu no seu domicilio, sen que a coidadora fose capaz de levantala. Os axentes auxiliaron á muller e incorporárona ata a cadeira de brazos no que se atopaba, comprobando que non requiría asistencia médica.Ás 20 horas do mércores, os axentes de Policía de Barrio tamén auxiliaron a outra muller, de 70 anos, en estado similar á anterior, sen que a súa filla fose capaz de levantala ela soa.

Ás 5.05 horas do xoves, un indicativo do Grupo Operativo Nocturno trasladouse á N-VI, nas inmediacións da estación de servizo de Los Claveles, onde había unha persoa tirada na beirarrúa. Os axentes comprobaron que se trataba dun home, posiblemente ebrio, que sangraba polo nariz, polo que se solicitou a presenza dunha ambulancia do 061, que procedeu ao seu traslado a un centro sanitario.

Can solto por vía pública

Ás 20.40 horas do mércores, cando un indicativo de Policía de Barrio prestaba servizo pola avenida da Coruña, observan a presenza dun can solto pola beirarrúa e aproxímanse ao mesmo, comprobando que acompañaba a quen dixo ser o seu dono e levábao completamente solto, xa que nin sequera portaba unha correa con el, negándose inicialmente a facer uso da mesma, xa que o animal “é moi obediente”. Os axentes levantaron unha acta - denuncia polos feitos, explicándolle ao dono o risco que supoñía levar ao can solto nun lugar de tránsito público, con gran afluencia de peóns e de vehículos en circulación, tras o cal devandito propietario fíxose cargo da custodia do animal.

Discusión veciñal

Ás 23.45 horas do mércores, os axentes da Unidade Territorial de Policía de Barrio son comisionados na rúa dos Gardas, onde hai unha forte discusión entre varias persoas. Ao chegar ao lugar, os policías comproban a veracidade da información xa que, na vía pública, está a producirse unha discusión entre un gran número de persoas, parte das cales se ausentan ante a presenza policial.

Finalmente, os axentes proceden á identificación de catro persoas dun grupo e unha persoa da outra parte, parece ser que enfrontados entre eles, xa que, segundo a información recibida, o último citado habería subido ao piso superior, onde residen os outros, para chamarlles a atención polas molestias que causaban co ruído, o que non lle permitía descansar. Segundo os residentes no piso superior, a outra persoa ameazáralles cun pau e, segundo estoutra persoa, subiría co pau golpeando a escaleira para chamar a atención, pero sen ameazar en ningún momento. Ambas as partes manifestaron a súa intención de denunciar os feitos, polo que foron informados do procedemento para seguir.

Filtros de seguridade viaria

Durante os filtros establecidos na xornada do martes e mércores, os axentes do Grupo Operativo Nocturno, detectaron e denunciaron as seguintes infraccións:

• Condutor que lanza resultado positivo en probas de alcoholemia (0.54 e 0.51 mg/L), polo que se denuncia administrativamente.
• Dous condutores que lanzan resultado positivo en probas de alcoholemia (0.70 e 0.71 mg/L; 0.77 e 0.69 mg/L), polo que se instrúen dilixencias por un presunto delito contra a seguridade viaria, por procedemento de xuízo rápido.
• Na xornada do mércores, os axentes da Unidade Territorial de Policía de Barrio, realizan un control de velocidade nas vías da cidade, controlando un total de 261 vehículos, sendo denunciados 19 deles por exceder a velocidade máxima permitida. A velocidade máxima captada foi de 89 km/h, infracción que leva consigo unha sanción económica de 400 puntos e a retirada de 4 puntos do permiso de conducir.Tamén se localizaron cinco vehículos que non foran sometidos á ITV no prazo regulamentario, así como un condutor facendo uso do teléfono móbil durante a condución.