Detención por delito de atentado a axentes da autoridade, ameazas graves e danos

Sobre as 8:50 horas do día 1 de febreiro unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que se traslade ao PAC de Fingoi xa que ao parecer, no seu interior, atópase unha persoa moi agresiva. Os axentes son informados de que unha persoa presentárase no centro solicitando medicamentos prohibidos e, ao non darllos, comezou a poñerse moi agresivo, ameazando de morte ao persoal facultativo e rompendo o mobiliario do centro médico. Os policías identifican a esta persoa, un home de 38 anos, que se atopaba gritando e nun momento dado comeza a ameazar gravemente aos axentes con frases como “vouvos cortar o pescozo a vós e aos médicos”, “vou coller a pistola e vouche pegar catro tiros”, etc…., abalanzándose sobre un dos policías ao que golpea nun brazo, tentando agredilo no resto do corpo.

Por tal motivo procédese a reducilo e inmobilizalo, procedendo á súa detención polos delitos de atentando a axentes da autoridade, ameazas graves e danos no mobiliario, sendo trasladado a dependencias policiais onde se instrúen dilixencias para o Xulgado de Garda.

Detención por delito de atentado a axentes da autoridade

Sobre as 18:20 horas do día 1 de febreiro unha patrulla da Unidade Territorial de Policía de Barrio é alertada pola Sala do 092 para que acuda a un inmoble da rúa Paxariños xa que ao parecer un individuo está a golpear a porta dunha vivenda e ameazando aos veciños do edificio. Os axentes localizan a esta persoa, un home de 56 anos, o cal se atopa moi agresivo, tratando de acougalo para pescudar o que estaba a pasar e lonxe de tranquilizarse comeza a bracear, propinando unha patada a un dos policías nun dos seus brazos e unha segunda patada no nocello, desprazando ao axente contra a parede.

Que se procede a reducir a esta persoa e cando estaba a ser baixada pola escaleira do edificio, nun momento determinado empuxa a un dos axentes cara ao oco das escaleiras, estando a piques de caer polo mesmo desde unha altura dun terceiro piso, dado que o pasamáns está por baixo da cintura, sendo agarrado polos seus compañeiros para non precipitarse.

Que se procede á detención desta persoa e o seu posterior traslado a dependencias policiais onde se instrúen dilixencias por un delito de atentado a axentes da autoridade para a súa remisión ao Xulgado de Garda.

Pescudouse que o detido vive nunha das vivendas e que chegou a coller do pescozo a unha persoa de avanzada idade que vive con el, ameazándoo de morte, nun momento que saíu da vivenda para comprar bebida.

Filtros de seguridade viaria

Durante a madrugada do día 2 de febreiro por efectivos do Grupo Operativo Nocturno da Policía Local de Lugo, co apoio dun equipo de Atestados do Corpo, realizáronse varios filtros de seguridade viaria en vías do centro urbano, detectando dous condutores con taxas de alcol superiores ás regulamentariamente establecidas.

O primeiro foi detectado na Rolda da Muralla, lanzando un resultado POSITIVO de 0,42 mg/l e o segundo na rúa Marqués de Ombreiro, lanzando un resultado POSITIVO de 0,35 mg/l.

Ambos os condutores enfróntanse a unha sanción de 500 euros e a retirada de 4 puntos do permiso de condución, inmobilizándose ambos os vehículos.

Así mesmo foi localizado un vehículo sobre o que pesaba un mandamento de procura, captura e depósito por embargo, sendo trasladado polo guindastre ao Depósito Municipal onde quedou precintado.

Ruídos en interior de vivenda

Ás 22:30 horas do día 1 de febreiro unha patrulla do Grupo Operativo Nocturno da Policía Local de Lugo é comisionada pola Sala do 092 para que acuda a un inmoble da rúa Milagrosa xa que os veciños quéixanse dos ruídos que proveñen dun local de hostalería que está no baixo.

Os axentes comproban que se escoita música do local, procedendo á identificación da responsable á cal se lle require para que baixe o volume da televisión, ao que accede ao momento, levantando acta de denuncia por infracción á Ordenanza de Protección Ambiental.

No transcurso da intervención detéctase que un individuo, que xogaba ás cartas con outras persoas, non facía uso da máscara, facendo caso omiso ás indicacións dos axentes para que a puxese, levantando acta de denuncia por infracción á Lei de Saúde de Galicia.