AUTOBUSES PARA O ACTO DE INICIO DO ARDE LUCUS | GRATUÍTOS

Entrada das tropas na Ponte Romana | Xoves, 20:30 horas.

Co obxectivo de facilitar os desprazamentos ao acto de apertura do Arde Lucus, habilitarase un servizo especial de autobuses para trasladar aos asistentes ata a contorna da Ponte Romana.

Servizo de ida

19:30 horas

• Saída dende a rúa Salvador de Madariaga
• Parada na Rúa Santiago (á altura do Balneario)

20:00 horas

• Saída dende a rúa Salvador de Madariaga
• Parada no Paseo Álvaro Cunqueiro

Servizo de regreso (21:45 horas)

• Saídas dende o Pazo de Feiras
• Saídas dende o Balneario

Todos os servizos de regreso terán como destino a Porta de Santiago.

Realizaranse tantas viaxes como sexan necesarias para facilitar o traslado de todas as persoas asistentes ao evento.

Animamos á cidadanía a facer uso deste servizo para desfrutar con maior comodidade dun dos actos máis emblemáticos do Arde Lucus.