O Concello inicia hoxe as tarefas de mellora de saneamento en catro puntos da cidade, tras asinar nos pasados días o contrato destas obras, adxudicadas a Construcciones Sanle S.L., cun orzamento duns 56.000 euros e un prazo de execución de 6 semanas.

Trátase, concretamente, de traballos nas rúas Sargadelos, entre os números 51 e 83,  por onde comezaron os traballos. Así mesmo contémplanse labores na rúa Recatelo, no número 21, á altura da rúa Ribadeo; en Fontiñas (entre os números 164 e 180) e na rúa Ferreiriño, na intersección coa Avenida da Coruña.

Con este contrato, a entidade local persigue reformar o servizo de saneamento onde se vén detectando dende hai tempo problemas na rede, que dan lugar a inundacións recorrentes. Así mesmo, grazas a esta intervención de mellora, o Concello garante as boas condicións dun servizo público como é o saneamento, e mellora a calidade de vida e o benestar da veciñanza destas vías.

Audio

• O edil Manuel Núñez, sobre as tarefas de saneamento |  Descargar mp3