Hoxe publícase no Boletín Oficial da Provincia o nomeamento do Xefe do corpo da Policía Local de Lugo, Manuel Méndez Novo, que tomará posesión nun acto que se celebrará este xoves 10 de maio. O nomeamento fíxose polo sistema de libre designación, de acordo cos principios de igualdade, mérito e capacidade, previa convocatoria pública na que podían participar funcionarios de carreira que teñan a máxima categoría no cadro de persoal do corpo de Policía Local de Lugo.

Os integrantes da Xunta Local de Seguridade do Concello de Lugo destacaron esta mañá a importancia do traballo conxunto e coordinado dos efectivos de Policía Nacional e Policía Local en materia de seguridade cidadá, co obxectivo de seguir mellorando tanto a prevención de feitos delictivos no municipio como o esclarecemento dos mesmos.

O Alcalde de Lugo, José López Orozco, e a Concelleira de Benestar Social, Igualdade e Xuventude, Carmen Basadre, fixeron entrega dos diplomas do Curso de Primeiros Auxilios na Casa da Xuventude e que foi impartido por docentes da Cruz Roja.

O curso, cunha duración total de 40 horas, 30 presenciais e 10 horas de traballo e visionado de imaxes, impartiuse na Casa da Xuventude as fins de semana do 10, 11, 17 e 18 de marzo. No mesmo participaron un total de 25 mozos e mozas lucenses con idades comprendidas entre os 18 e 35 anos.

A Fiscalía vén de solicitar, por segunda vez, o arquivo das dilixencias 583/2011 do Xulgado de Instrución nº 1 de Lugo, nas que o Xulgado acusa ó Alcalde de ter cometido un delito de prevaricación na distribución dos complementos de produtividade ó persoal do Concello.