O I Encontro de Poetas Galegos que organizan o Concello de Lugo e RNE é un feito pioneiro en Galicia e en España e arrinca en Lugo este xoves, 29 de novembro, ás 12:00 horas, coa inauguración por parte de José López Orozco no Salón de Actos da Deputación Provincial.

Nesta xornada de apertura celebraranse as dúas primeiras sesións que durarán arredor de dúas horas e contarán coas interpretacións musicais dos cantautores Fran Pérez, Xabier Díaz e Luis Emilio Batallán.

A psicóloga-terapeuta Esther Viña Gundín será a encargada de impartir a conferencia titulada “Manexar construtivamente a morte” que se celebrará o día 28 de novembro ás 19:30 horas no Centro Social Uxío Novoneyra.

A Concelleira de Xuventude, Carmen Basadre, e o director xerente do Pazo de Feiras e Congresos de Lugo, Rubén López, presentaron unha nova edición de Xuvenlugo . Como en pasadas edicións, Xuvenlugo volverá a encher de atraccións e xogos o Pazo de Feiras e Congresos de Lugo. Do 6 ao 9, do 14 ao 16, e do 21 de decembro de 2007 ao 6 de xaneiro de 2008, Xuvenlugo ocupará os dous pavillóns e o corredor do recinto feiral lucense, establecéndose varias áreas.

PISTA DE XEO: volve a Xuvenlugo coma en edicións anteriores sendo de novo unha das atraccións estrela.

Unha patrulla da Policía Local sorprendeu un individuo que conducía o turismo matrícula LU2596X, pola praza de Sto. Domingo en sentido contrario o estipulado e coas luces apagadas.

Os feitos ocorreron ás 3.30 horas do día 27, na praza de Sto Domingo. J.A.T.V., de 25 anos e veciño desta capital foi sorprendido pola patrulla cando circulaba en sentido contrario, coas luces apagadas e con síntomas evidentes de encontrarse baixo a influencia de bebidas alcohólicas motivo polo que se lle practicaron as correspondentes probas de alcoholemía nas que deu un resultado positivo de 0,97 mg/l .