O Alcalde de Lugo, José López Orozco, presidiu a apertura de plicas das 25 empresas que optan á construción do Museo Interactivo da Historia de Lugo (MIHL). Trátase dalgunhas das empresas máis prestixiosas da construción española, que concursan para a posta en marcha dunha das grandes apostas do equipo de López Orozco, o MIHL, que dotará á cidade de Lugo dunha infraestrutura pioneira en toda Galicia.

O Concelleiro de Deportes, José Manuel Díaz Grandío, a Concelleira de Muller e Benestar Social, Carmen Basadre, o presidente da Federación de natación Sincronizada de Galicia e, Fernando Timidaos, o Presidente do Club Porta Miñá de Lugo, presentaron o curso de iniciación á natación sincronizada que comezará o vindeiro sábado, 7 de xuño na piscina de As Pedreiras.

Díaz Grandío indicou que “é unha actividade novedosa, maioritariamente feminino, e que agardamos que sirva de xermen nestre periodo pre-estival para crear afición a este deporte e poder retomar a actividade no vindeiro curs

A Xunta Xestora do GDR4 reuniuse no Concello de Lugo para perfilar o borrador de Estatutos que rexirá a futura Asociación, formada por entidades do sector público e privado dos concellos de Lugo, O Corgo, Rábade, Guntín, Castroverde, Friol e Outeiro de Rei.

Na xuntanza leuse todo o contido dos estatutos, previamente redactado por cinco das 26 entidades que compoñen a Xestora. Os compoñentes da Xunta, fixeron algunhas modificacións e engadiron novas propostas.

O programa do concerto do xoves 29 de maio no Círculo das Artes estará centrado na música de salón e a ópera belcantistas, cunha especial dedicación ás arias e dúos das óperas de Rossini. Do célebre compositor italiano Gioacchino Rossini poderán escoitarse arias e dúos de óperas tan coñecidas como La Cenerentola, O barbeiro de Sevilla e Tancredi. O programa o completan cancións e duettos do propio Rossini e doutros compositores como Tosti ou Meyerbeer e rematará, case coma unha sorpresa, co dúo final da ópera Carmen de Bizet.