O Concelleiro de Deportes, José Manuel Díaz Grandío, o Vicerreitor da USC en Lugo, Carlos Herrero, e Jesús Castro, responsable da área de deportes da USC, presentaron o programa de actividades deportivas que se ofertará no curso 2009-2010 aos estudantes do Campus lucense.

Unha vintena de magos encherán de trucos e misterios a cidade ente o domingo día 1 de novembro e o sábado día 7 dentro do programa da sétima edición da Semana Internacional da Maxia. Lugo Máxico 2009, organizado pola Concellería de Cultura e Turismo do Concello de Lugo en colaboración co colectivo Waldemar e a productora Abracadabra Produccións, presentará este ano algunhas novidades que sen dúbida asombrarán aínda máis ao público lucense, segundo indicaron os organizadores.

A Concellería de Medio Ambiente, que dirixe Lino González Dopeso, ven de adxudicar de xeito provisional a posta en marcha da nova potabilizadora á empresa Gestagua por un importe de 1.073.438 euros, 600.000 menos que a oferta de partida o que permitirá “que Lugo teña auga da máxima calidade”.

Tal e como explicou o Concelleiro, un total de 9 ofertas presentáronse ao concurso o que ralentizou a resolución do mesmo, posto que foi preciso estudiar cada unha das propostas técnicas e económicas.

O Goberno Local mantivo hoxe unha reunión para tratar o tema da edificación da Finca de Garañón na que deu a coñecer a súa proposta, baseada no apoio á petición de declaración BIC da parcela. Na reunión participou o Goberno local, así como representantes dos grupos políticos con representación no Concello, membros da Asociación en Defenda do Parque, técnicos municipais e a promotora da edificación.