A Concellería de Educación, que dirixe Dolores Vieiro, o Movemento de Renovación Pedagóxica Escola Viva e FETE-UXT, organizan un curso de información e formación do profesorado que se celebrará do 9 ao 10 de abril no IES Politécnico.
Calcúlase que asistirán máis de 170 docentes de toda Galicia.
O Alcalde de Lugo, José López Orozco, recibiu no Salón de Plenos da Casa do Concello a un grupo de 30 estudantes da capital francesa que participan no programa de intercambio entre o centro francés René Descartes e o Colexio Fingoi.
Os alumnos e alumnas parisinos acudiron acompañados por dúas profesoras do centro educativo francés e unha do centro lucense.
O Concello de Lugo, a través da Concellería de Xuventude, e a Deputación de Lugo organizan unha excursión incluída dentro do programa Km0 Xtreme.
Esta viaxe, que terá lugar o 15 de abril, está concibida para mozos e mozas lucenses de entre 14 e 30 anos.
O Alcalde de Lugo, José López Orozco, a Alcaldesa de Guitiriz e Deputada de Economía e Facenda da Deputación de Lugo, Regina Polín, o presidente da Federación de Comercio Galega, José María Seijas, e o director da mostra, Juan Carlos López, presentaron esta mañá na Casa do Concello unha nova edición da Feira do Moble de Lugo.
Mañá, xoves 8 de abril, celébrase en todo o mundo o Día Internacional do Pobo Xitano. Esta data, institucionalizada xunto á bandeira e o himno xitanos no Primeiro Congreso Mundial Roma/Xitano celebrado en Londres en 1971, está tendo nos últimos anos unha importante difusión. Como en anos anteriores, a Fundación Secretariado Xitano editou tamén este ano un cartel conmemorativo e desde as sedes territoriais programáronse numerosas actividades culturais e lúdicas.
O Alcalde de Lugo, José López Orozco, anunciou hoxe unha remodelación do Goberno local que supón o nomeamento do Concelleiro José Manuel Díaz Grandío como delegado da Área de Cultura, Deportes, Turismo e Educación. Ademais de encargarse desta área, Grandío será Concelleiro Delegado de Deportes e Turismo e incorporarase á Xunta de Goberno Local como sétimo Tenente de Alcalde.
A concelleira de Educación, Dolores Vieiro, avaliou como moi satisfactoria a xuntanza que mantivo hoxe co xefe territorial de Educación da Xunta, Ramos Ledo, co que tratou sobre os comedores escolares e a planificación de obras en colexios públicos.
Entre outros temas falaron sobre o comedor do colexio Luis Pimentel da Piringalla.
O Concello de Lugo só ten cámaras de videovixilancia no polígono do Ceao e contan coa debida autorización. Asegurouno esta mañá o concelleiro de Protección da Comunidade, José Rábade.
Segundo os datos que aportou o concelleiro na rolda de prensa posterior a reunión da Xunta de Goberno Local, no Ceao hai instaladas 30 cámaras de videovixilancia. Tamén hai 6 cámaras nas dependencias da Policía Local, 13 de control do tráfico e 6 de control de accesos.
A Concelleira de Benestar Social e Igualdade, Carmen Basadre, e a Concelleira de Xuventude, Rosana Rielo, presentaron unha guía de actividades ocio saudables organizadas polas súas Concellerías e programadas desde o Servizo Municipal de Prevención das Drogodependencias.
Os influxos e a relación entre Italia e Galicia dende o período clásico ata a actualidade analizaranse na sexta edición do Curso de Primavera da Facultade de Humanidades, que se desenvolverá dende o 21 ao 23 de abril neste centro universitario lugués baixo o título ‘De Roma a Santiago: camiños da historia, legado cultural’.
Páxinas
- « primeira
- ‹ anterior
- …
- 1521
- 1522
- 1523
- 1524
- 1525
- 1526
- 1527
- 1528
- 1529
- …
- seguinte ›
- última »