A Concelleira de Xuventude, Rosana Rielo, e o presidente da Asociación Cohors III Lucensium, Manuel Fernández Díaz, presentaron a nova moeda acuñada para a edición do Arde Lucus 2010.
A Concelleira resaltou a implicación da asociación ano tras ano coa festa facendo que sexa aínda máis atractiva para lucenses e visitantes.
A Concelleira de Xuventude, Rosana Rielo, presentou esta maña no Centro Comercial Dolce Vita a festa do Arde Lucus, unha celebración que volve a cidade amurallada ao seu pasado romano. O obxectivo deste acto, no que tamén participou o xerente do Centro Comercial Dolce Vita, Javier Moreno, foi animar a todos os coruñeses a achegarse a Lugo na fin de semana do 25 ao 28 de xuño e que disfruten, coa cidadanía de Lugo e os visitantes que veñen desde moi diversos lugares, dos tres días que amosan o orgullo polo noso pasado romano.
O Concello de Lugo presenta a VIII edición da Mostra de Teatro Cidade de Lugo coa colaboración da Vicerreitoría de Cultura da USC e a Escola Arte e Lecer Fingoi, que nesta edición estará coordinada por Palimoco Teatro. A nova edición foi presentada esta mañá pola Concelleira de Cultura, Nuria Mundiña, o Vicerreitor da USC Carlos Herrero, a Directora da Escola de Arte e Lecer, María Asunción Fernández, e representando ao grupo de teatro Palimoco, Alba Fernández.
O vindeiro venres 4 de xuño terá lugar no Auditorio Municipal Gustavo Freire unha Gala de Danza Lugo10 organizada polo Conservatorio Profesional de Danza e o Concello de Lugo. O espectáculo foi presentado esta mañá na Casa do Concello pola Concelleira de Cultura, Nuria Mundiña, a directora da Gala Isabel Méndez, e os representantes da Asociación de Nais e Pais do Conservatorio, José Manuel Roca e Luis Ángel Figueiras Varela.
A vindeira semana remata o Festival de Música Cidade de Lugo XXXVIII Semana do Corpus organizado polo Concello de Lugo, pero aínda quedan tres citas musicais coas que poderá disfrutar o público lucense.
O sábado 29 de maio actuará no Círculo das Artesás 21:00 horas o grupo Jázzica, un conxunto formado por músicos galegos que explora a influencia da música popular nun programa no que a música clásica, a música galega e o jazz comparten protagonismo.
A Concelleira de Xuventude, Rosana Rielo, a deseñadora Sara Laxe, a perruqueira Miriam Souto, e a representante de Corazones Artesanos, Chicha Lombao, presentaron esta mañá o primeiro desfile do mundo romano que terá lugar o vindeiro sábado 29 de maio ás 20:30 horas da praza Maior.
Continúa aberto ata o vindeiro xoves 28 de maio o concurso de deseño gráfico para seleccionar o cartel anunciador das Festas do San Froilán e das actividades do San Froilanciño de 2009 organizado polo Concello de Lugo.
O prazo para presentar os traballos en ambos concursos está aberto ata ás 14:30 horas do venres 28 de maio. Os interesados poderán entregar ou mandar a súa obra por correo postal á Concellería de Cultura situada na Praza Maior nº1, 27002.
O último dos concertos dedicados ao lied do Festival de Música Cidade de Lugo XXXVIII Semana do Corpus, supón o debut en Galicia de Katerina Karnéus. A cita será o xoves 27 de maio ás 20:30 horas no Círculo das Artes.
A Concelleira de Cultura, Nuria Mundiña, recibiu un grupo de 30 peregrinos que chegaron o luns a Lugo, nunha peregrinación organizada pola Cadena SER. O xornalista Paco Nadal é o encargado de contar pola radio a marcha desta peregrinación que comezou o sábado en Grandas de Salime e rematará o domingo en Compostela.
A oferta da música contemporánea do Festival de Música Cidade de Lugo XXXVIII Semana do Corpus inclúe a estrea mundial de tres obras dos compositores galegos no concerto que se celebrará no Conservatorio Profesional de Música o mércores 26 de maio ás 20:30 horas.
Páxinas
- « primeira
- ‹ anterior
- …
- 421
- 422
- 423
- 424
- 425
- 426
- 427
- 428
- 429
- …
- seguinte ›
- última »