Centro de Empresas e Innovación (CEI) E NODUS

    O Centro de Empresas e Innovación (CEI) é unha iniciativa do Concello de Lugo para a promoción económica da cidade e un apoio á posta en marcha de novas iniciativas empresariais.
    Con este obxectivo o CEI céntrase en tres áreas básicas de servizos. A primeira trata de facilitar a creación de empresas de carácter innovador nun contorno idóneo para a xeración de novas iniciativas. Así, combínanse as infraestruturas coa asesoría técnica para facilitar o arranque e a consolidación de proxectos empresariais. Para elo o patrocinase a cooperación entre as empresas situadas no Centro co obxectivo de conseguir unha mellor inserción no mercado.

    A segunda das áreas de servizo do CEI é a programación dunha oferta continuada de formación en materia de xestión e a innovación empresarial mediante cursos, seminarios e actividades de carácter divulgativo.

    Finalmente o CEI ofrece tamén asesoría para todo tipo de empresas interesadas en iniciar proxectos vencellados ao I+D+i.

    Estas tres áreas de servizo buscan promover novos investimentos na provincia de Lugo por medio de iniciativas empresariais que contribúan ao desenvolvemento económico do concello e especificamente a:

    • Fomentar empresas cun selo de calidade.
    • Dinamizar a cooperación empresarial.
    • Diversificar a estrutura produtiva local, favorecendo a instalación de empresas de carácter innovador.
    • Crear un medio idóneo en canto a prezos e a servizos que lles permitan ás iniciativas empresariais desenvolver o seu plan de empresa para que, cun tempo de estancia limitado no Centro, estean en situación de competir dentro das condicións do mercado.
    • Servizos
    • Espazos
    • PAIT 
    • Admisión
    • Axudas e subvencións

    Actualidade

    González Abelleira mantén unha mesa de traballo moi productiva cos representantes sindicais para avanzar na carreira profesional horizontal
    Xoves, 19 de febreiro de 2026
    González Abelleira mantén unha mesa de traballo moi productiva cos representantes sindicais para avanzar na carreira profesional horizontal

    Durante o encontro, a responsable da área trasladou aos representantes dos traballadores os contidos principais da proposta de Regulamento da Carreira Profesional Horizontal e da Avaliación do Desempeño, abrindo así unha nova fase de diálogo técnico e negociación orientada á súa futura aprobación.

    Tras a xuntanza, González Abelleira anunciou que as propostas das forzas sindicais se incorporarán ao documento para manter un novo encontro  próximamente.

    O sistema proposto ten como finalidade recoñecer o esforzo, a experiencia e o compromiso do persoal municipal coa mellora continua dos servizos públicos, mediante un modelo obxectivo, regulado e transparente que permita distinguir a competencia profesional individual.

    Abelleira subliñou que “estamos ante unha proposta seria, dialogada e sostible, que supón un salto cualitativo na profesionalización da nosa administración local e no recoñecemento do traballo diario do persoal municipal”,  reafirmou a vontade do Goberno local de seguir avanzando no proceso negociador.

    Emprendemento, Benestar social, Fomento do emprego, Emprego
    Xoves, 04 de decembro de 2025
    O Concello de Lugo presentará aos sindicatos a maior Oferta Pública de Emprego dos últimos anos, cun total de 54 prazas

    “Esta é unha OPE que mira ao futuro da cidade, que reforza áreas esenciais e que nos permitirá seguir prestando servizos de calidade.Somos conscientes da importancia de contar cos mellores equipos e esta convocatoria é un paso decisivo nese camiño”, destacou o rexedor.

    Entre as prazas propostas, destacan especialmente as correspondentes a servizos de atención directa á veciñanza así como reforzos significativos para áreas clave como os servizos sociais, fundamentais para garantir unha atención próxima, áxil e eficaz.

    O Concello decidiu ademáis integrar nesta OPE prazas correspondentes ás ofertas dos anos 2017, 2018, 2020, 2021 e 2022 que non foron executadas no prazo legal improrrogable de tres anos establecido no artigo 70 do TRLEBEP conforme a xurisprudencia do Tribunal Supremo.

    Emprego público, Políticas activas de emprego, Benestar social, Fomento do emprego, Desenvolvemento local, Emprego
    O alcalde pon en valor a gran capacidade de xerar emprego do CEI-Nodus, que rexistra ocupación máxima con 26 iniciativas empresariais en diferentes fases de implantación
    Luns, 24 de novembro de 2025
    O alcalde pon en valor a gran capacidade de xerar emprego do CEI-Nodus, que rexistra ocupación máxima con 26 iniciativas empresariais en diferentes fases de implantación

    Miguel Fernández visitou o Vivero de Empresas municipal, xunto ao edil de Dinamización Económica, nun momento no que hai 22 proxectos no CEI e outros catro no sementeiro.

    O alcalde salientou a capacidade do centro “para favorecer o emprendemento, xerar novas oportunidades de negocios e contribuír a que o talento quede na cidade”.

    Mauricio Repetto destaca “que se alcance este récord en canto á ocupación e tamén a diversidade das iniciativas, algo que beneficia e contribúe ao crecemento de Lugo”.

    Desenvolvemento económico, Benestar social, Fomento do emprego, Economía, Emprego
    O CEI-NODUS reforza o ecosistema emprendedor lucense coa incorporación de oito novos proxectos que amosan o talento e a diversidade da cidade
    Luns, 13 de outubro de 2025
    O CEI-NODUS reforza o ecosistema emprendedor lucense coa incorporación de oito novos proxectos que amosan o talento e a diversidade da cidade

    O Vivero de Empresas municipal acolleu nos últimos meses oito iniciativas que consolidan a presenza de novos emprendedores e emprendedoras en Lugo.

    As propostas abranguen ámbitos tan diversos como a creatividade, a tecnoloxía, a alimentación, a saúde, o turismo e a moda sostible.

    O concelleiro de Dinamización Económica e Relacións Institucionais, Mauricio Repetto, subliña que “o CEI-NODUS non é só unha infraestrutura, senón unha comunidade que axuda a transformar ideas en proxectos reais e proxectos en oportunidades de futuro”.

    Emprendemento, Formación, Fomento do emprego, Novas tecnoloxías
    Todas as novas