Centro de Empresas e Innovación (CEI) E NODUS

O Centro de Empresas e Innovación (CEI) é unha iniciativa do Concello de Lugo para a promoción económica da cidade e un apoio á posta en marcha de novas iniciativas empresariais.
Con este obxectivo o CEI céntrase en tres áreas básicas de servizos. A primeira trata de facilitar a creación de empresas de carácter innovador nun contorno idóneo para a xeración de novas iniciativas. Así, combínanse as infraestruturas coa asesoría técnica para facilitar o arranque e a consolidación de proxectos empresariais. Para elo o patrocinase a cooperación entre as empresas situadas no Centro co obxectivo de conseguir unha mellor inserción no mercado.

A segunda das áreas de servizo do CEI é a programación dunha oferta continuada de formación en materia de xestión e a innovación empresarial mediante cursos, seminarios e actividades de carácter divulgativo.

Finalmente o CEI ofrece tamén asesoría para todo tipo de empresas interesadas en iniciar proxectos vencellados ao I+D+i.

Estas tres áreas de servizo buscan promover novos investimentos na provincia de Lugo por medio de iniciativas empresariais que contribúan ao desenvolvemento económico do concello e especificamente a:

  • Fomentar empresas cun selo de calidade.
  • Dinamizar a cooperación empresarial.
  • Diversificar a estrutura produtiva local, favorecendo a instalación de empresas de carácter innovador.
  • Crear un medio idóneo en canto a prezos e a servizos que lles permitan ás iniciativas empresariais desenvolver o seu plan de empresa para que, cun tempo de estancia limitado no Centro, estean en situación de competir dentro das condicións do mercado.
  • Servizos
  • Espazos
  • PAIT 
  • Admisión
  • Axudas e subvencións

Actualidade

Paula Alvarellos pon en valor o talento e a competitividade lucense nun encontro coas e cos emprendedores dos viveiros municipais
Xoves, 08 de febreiro de 2024

A rexedora compartiu un almorzo, no que tamén participu o alumnado do obradoiro ArquivaLugo, para coñecer de primeira man as iniciativas e proxectos que se están a desenvolver co apoio do Concello.

“A axuda ao emprendemento é un piar fundamental  da nosa política de dinamización económica, coa que pretendemos expandir o noso tecido produtivo, xerar emprego e fixar poboación”, sinalou a alcaldesa.

Na actualidade, unha vintena de proxectos desenvolven a súa actividade no viveiro do CEI e outros seis no da Tinería. A porcentaxe de supervivencia histórica das iniciativas acollidas nestas incubadoras supera o 75%.

A primeira plataforma dixital centrada na exportación de alimentos e bebidas a China aséntase na capital da man do Lugo Transforma
Xoves, 14 de decembro de 2023

A alcaldesa, impulsora da estratexia de recuperación económica do municipio, anunciou que Monkey Markets recibirá 50.000 € con posibilidade de dobrar o investimento se acada certos fitos.

A startup galega destinará os fondos a desenvolvemento de produto, marketing e contratación de persoal, multiplicando por dez o cadro de traballadores/as en 4 anos.

A empresa foi a primeira do país en incorporarse, en 2021, á exclusiva lista de plataformas da ONU que destacan polo uso innovador dos datos.

Méndez subliñou o carácter innovador da proxecto, “o que afianza o atractivo do fondo de capital risco para as compañías que se atopan á vangarda dos seus sectores”.

O fondo Lugo Transforma avalía captar dúas empresas foráneas e apoiar a expansión dunha firma local cun financiamento de 1 M €
Venres, 24 de novembro de 2023

A alcaldesa presidiu hoxe o cuarto Comité de Investimentos da estratexia, que ten por obxectivo atraer empresas innovadoras e crear emprego de calidade na cidade.

Lara Méndez destacou que as tres propostas “pertencentes a sectores moi distintos, comparten un carácter vangardista, aliñado coa transformación que está a seguir Lugo”.

O viveiro de empresas do Concello na Tinería renóvase con artesanía, moda e servizos especializados para seguir dinamizando o barrio
Luns, 20 de novembro de 2023

A rexedora e o edil de Dinamización Económica reuníronse cos novos emprendedores/as que ocuparán os seis locais que o Concello aluga en condicións moi vantaxosas.

Trátase da 2ª edición desta iniciativa, posta en marcha pola alcaldesa por primeira vez en 2018, como mostra do seu compromiso coa rexeneración desta zona do Centro Histórico.

Unha vez publicada a resolución definitiva de beneficiarios/as, estes disporán dun prazo máximo de dous meses para acondicionar o espazo e abrir as portas do establecemento.