A Concelleira de Economía e Emprego, Sonia Méndez, recibiu ós participantes da asamblea anual da Asociación Profesional de Agentes de la hacienda que comezou onte na nosa cidade e que continuará ata mañá domingo 21 de outubro.

A Concelleira deulles a benvida á cidade e, como recordo da súa visita, entregoulles un pin da Muralla e diverso material informativo e turístico de Lugo.

Os participantes neste curso participaron despois da recepción no Concello dunha visita guiada polo corazón da cidade e puideron coñecer un dos elementos máis representativos de Lugo: a Muralla.

O Alcalde de Lugo, José López Orozco, e a Concelleira de Economía e Emprego, Sonia Méndez, fixeron entrega dos diplomas que acreditan a superación dos itinerarios formativos que conforman o programa Lugo, cidade próxima.

Dos 281 solicitantes do proxecto, foron seleccionados 160 que se axustaban ós criterios de selección previamente establecidos.

Nun prazo de dous meses estará rematada a documentación suplementaria solicitada pola Consellería de Medio Ambiente para aprobar o Plan Xeral de Ordenación Municipal.

Así o anunciou hoxe o Concelleiro de Urbanismo, José Ramón Gómez Besteiro, quen sinalou que a proposta oficial entrará no Concello o luns, aínda que no día de hoxe informou da proposta aos voceiros dos partidos políticos da oposición.

A documentación esixida requirirá dun traballo posterior que realizará o propio equipo redactor do Plan por un orzamento de 48.000 euros e cun prazo de execución de dous meses dende a

Expropiar ó propietario da parcela edificable nas costas do Parque costaríalle ós petos dos lucenses 19.646.780 euros, é dicir, máis de tres mil millóns das antigas pesetas. "Custaría como facer xuntos a nova ponte sobre o río Miño e o Museo Interactivo da Historia de Lugo", explicou o voceiro municipal, José Ramón Gómez Besteiro, con documentos oficiais na man.