A Xunta de Goberno aprobou este mércores a participación do Concello no Plan Provincial Único de Cooperación cos Concellos impulsado pola Deputación, así como o investimento dos 500.000 euros asignados a Lugo ao abeiro deste programa á mellora e ampliación de servizos nunha ducia de espazos públicos da cidade e o rural. A esta contía, o Concello suma 33.189,32 euros, co que o importe total das actuacións ascende a 533.189,32 euros. Segundo explicou o voceiro municipal, Miguel Fernández, acometerase traballos de pavimentación e mellora de servizos en 11 rúas da cidade e unha urbanización no rural, “vías que facilitan a mobilidade, e obras moi demandadas pola cidadanía e que xeran consenso político, pois moitas foron solicitadas polos propios grupos da Corporación”, subliñou o Concelleiro.

 As actuacións e o investimento aprobado ao abeiro do Plan Único son as seguintes.

• Pavimentación das rúas Filgueiro, Mestre Méndez, Da Silva, Mazaira, Das Pías e un tramo da rúa Casas Vellas, todas no barrio de Abella: 72.404,49€
• Pavimentación e servizos en rúa Fonmiñá e Piñeiral, nas Gándaras: 128.597,77€
• Pavimentación e servizos en rúa Flor de Lis, en Abella: 76.244,44€
• Pavimentación e ampliación da rede de abastecemento na urbanización Bellavista, na parroquia de Esperante: 134.565,85€
• Pavimentación e servizos na rúa da Xesta e do Freixo, na zona centro: 121.376,77€.

Audio

• Miguel Fernández - Plan Único da Deputación| Descargar mp3