O Concello lucense retoma os cursos de ximnasia e natación para maiores de 65 anos, para os que abre o prazo de solicitude o 14

As solicitudes deberán presentarse nas oficinas da Piscina Municipal de Frigsa entre as 09.00 e as 14.00 horas. O prazo de matricula estará aberto do 27 ao 29 de setembro.

Luns, 13 de setembro de 2021
Fonte: 
Gabinete de Prensa
O Concello lucense retoma os cursos de ximnasia e natación para maiores de 65 anos, para os que abre o prazo de solicitude o 14

O Executivo de Lara Méndez retoma, a través da concellería de Deportes, que dirixe Mauricio Repetto, os cursos trimestrais de ximnasia e natación dirixidos a maiores de 65 anos no Polideportivo Municipal de Frigsa, garantindo todas as medidas de seguridade-hixiénico-sanitarias impostas pola Xunta de Galicia.

Os cursos organizaranse con grupos de ata seis persoas, máis o monitor. Os cursos de ximnasia impartiranse os luns e mércores, e os de natación, os venres. Os horarios de ambos os dous serán de mañá, ás 09.00h, 10.00h, 11.00h e 12.00h, e terán un custe de 7,90 euros. “Como é habitual, os nadadores teñen á súa disposición monitores especializados que poderán ofrecerlles unha táboa de exercicios para completar a súa preparación”, segundo explicou Mauricio Repetto.

As medidas sanitarias de control inclúen o control no acceso (entrada e saída), mentres que o límite de aforo está fixado nun 50% co fin de manter sempre a distancia de seguridade interpersoal.

As solicitudes para estas modalidades poderán presentarse a partir de mañá, 14 de setembro, e deberán presentarse nas mesmas oficinas de Frigsa, entre as 09.00 e as 14 horas. As prazas serán adxudicadas setembro por rigorosa orde de inscrición. As prazo de matrícula estará aberto do 27 ao 29 de setembro.

O edil de Deportes pide que os e as usuarias se ateñan ao cumprimento da normativa. “Solicitamos a súa colaboración e responsabilidade para que todos podamos seguir facendo deporte da maneira máis segura".

Noticias relacionadas